胡慧沖 - 我與神的一個約會｜筆泰沖動
胡慧沖
2024-01-12 00:00
字體大小
「腎也製」是一首泰文歌，相信大部分泰國人都一定識唱，而這首歌正是改編自歌神許冠傑當年的名曲《雙星情歌》。
有關許冠傑的歌曲和電影，當年在泰國也盛極一時，而對於我這個居泰港人來說，歌神的歌更可以說是陪着我長大，今時今日偶爾都會在我的電視節目和電台節目之中尋找到他的影子。
其實我的很多第一次都交給了阿Sam，當年第一次跟公公婆婆去戲院睇港產片就是睇阿Sam的《半斤八両》；第一次也只此一次，參加第一屆新秀歌唱比賽就是唱阿Sam的《紙船》；第一次睇午夜場，就是睇許冠傑的《最佳拍檔》；第一次去泰國旅行亦都係第一次玩水上電單車，就是在海上聽《滄海一聲笑》；第一次幫香港電台做電台節目，自己揀嘅歌就係許冠傑嘅《浪子心聲》……
還有第一次上大台做訪問，我講咗個爛Gag：「最近我信咗神，神話畀我哋聽命裏有時終須有，命裏無時莫強求。係咩神呀？之唔係歌神囉！」
還記得去年跟夏妙然博士一齊在香港睇許冠傑演唱會，有幸在觀眾席跟歌神合唱，而且阿Sam亦都叫得出我個名，實在令人感動！許冠傑除了是自己的偶像之外，更加是大家的集體回憶，問世間有幾多位歌手可以率領全場觀眾萬人大合唱，而且邊唱邊喊感動大家？就只有許冠傑！
今年3月底歌神再次喺香港開演唱會，我已經Book定機票酒店準備返嚟捧場。期望再有奇蹟出現可以繼續與神共唱，期望那天晚上也可以見到大家一齊大大聲唱「命裏有時終須有，命裏無時莫強求。」到時見！
胡慧沖
最Hit
東張西望丨何伯內地妻鏡頭前後語氣大不同？ 激動插嘴糾正老公用詞引熱議
2024-05-07 13:05
前TVB小生大讚移民好處？曾是花旦殺手 移加後殘爆要與妻節衣縮食
2024-05-07 17:58
更多文章
