郭志仁 - 壞男人遇到高手|九宮格
A小姐30歲,擁有自己公司,大半年前認識壞男人R先生,兩人算是「一見鍾情」。A小姐懂得放長線,雖然R先生未必是大魚。
A忙於管理公司,亦有固定男朋友,跟R大約兩星期才見一次。A會不定時WhatsApp壞男人,每次都手握發球權:
A:「尋晚發夢見到你……」
R:「我哋做緊咩,係咪Category III(三級)?」
A:「唔係好記得,見面再話你知」
一般女士都會語氣甜蜜詳述夢境,A卻淡淡回應,感覺不太着緊。
A:「忙到傻咗,如果你喺我身邊就好!」
R:「不如我而家即刻飛過嚟同你coffee break?」
A總是遲半天才回覆:「我都想……」
約會前一天A小姐總會說:「好想快啲見到你」,起初R都滿心期待,周詳準備約會地點,準備跟A熱吻,A卻以蝸牛速度回應。第一次約會,謝絕身體接觸,只獲得臨別前輕輕擁抱。第二次兩人逛商場,R張開手掌示意拖手,A只給他3秒時間就放手。半年多,兩人才發展到韓劇式輕吻階段。
A太懂得收放的藝術,早前還主動買一個粉藍色小攬枕,霸佔R的車尾箱。R面有難色,怕給女友發現,A竟然主動教授:「你唔好揼個包裝袋,每次用完就放返入袋,你屋企嗰個問嘅時候,就扮係公司抽獎禮物,好似永遠冇拆過擺喺度咁。」
R承認自己徹底輸給A小姐,但卻享受被控制,喜愛挑戰難度,壞男群組齊齊舉杯向A小姐致敬!
「幫幫手我不需要太多,只要不再出招玩殘我」鄭中基——高手
郭志仁
最Hit
東張西望丨網上瘋傳何太三大背景!疑三度結婚 傳避走內地狂呻被抹黑
2024-05-08 23:00
北角餐廳貼告示八達通付款要收手續費 $70以上加收1.5%! 網民:違反八達通使用守則
2024-05-08 19:15