胡慧沖 - 坐聖誕鹿車招搖過市｜筆泰沖動
胡慧沖
2023-12-08 00:00 HKT
字體大小
講緊正是曼谷的半島酒店！
今個聖誕期間，曼谷半島酒店有多項活動，當然主要就係大堂之中嘅聖誕主題Afternoon Tea，價錢約二千多銖兩位，環境好而且食物較豐富。但更加精彩嘅，就係相信只有泰國半島先有的特別服務。
所指服務係佢哋將一部篤篤車化身成為聖誕鹿車，於是住客們就可以坐呢部「鹿車」去附近嘅ICONSIAM Shopping，甚至乎在車內拍照留念。呢個服務都幾正，嗰日我坐住佢架車前往上述所講的Shopping Mall，真的引來途人艷羨目光，期間亦有遊客想嘗試在車旁影相，幾有趣！
其實疫情過後，各地遊客也開始回來泰國，曼谷半島酒店都係遊客們首選之一。今年年底酒店照例亦會有除夕派對，而且這裏住客無論在室外室內都可賞到河邊煙花匯演。經常說如果要在除夕去曼谷河邊睇煙花，若然你唔係住在河邊一眾酒店，倒不如唔好去睇，否則睇完之後要搵車返酒店都好鬼麻煩，一來搵車唔容易，而且亦會非常塞車。 所以人一世物一世，倒不如住在河邊的酒店，在酒店睇完煙花上房瞓覺，第二朝早新的一年新的開始，食個自助早餐都不知幾正！
胡慧沖
最Hit
31歲《3日2夜》女神勢嫁入豪門 準奶奶公開催婚形勢大好 進駐4億豪宅豪華遊艇富貴慶生
2025-04-30 23:00 HKT
《愛·回家》金牌綠葉「老公」揸的士被捕獲 網民爆「喺大館見過佢」 曾任警察為74年寶生銀行械劫案出力
2025-04-30 10:00 HKT
更多文章
