KellyChu - 有粉絲扮「愛莎」「安娜」參與夏雪節 迪士尼Frozen園區開幕迎客喇｜Executive日記
KellyChu
2023-11-21 00:00 HKT
字體大小
萬眾期待嘅「魔雪奇緣世界」，噚日終於喺香港迪士尼樂園正式開幕喇！作為迪士尼全球首個以電影《魔雪奇緣》為主題之園區，嚟自世界各地嘅Frozen粉絲一大早就排隊等候入場，有遊客更盛裝打扮成電影主角「愛莎」(Elsa)及「安娜」(Anna)，參與阿德爾王國嘅夏雪節慶典。
經歷7年時間打造，「魔雪奇緣世界」於昨早11時30分正式開放，至少200人喺園區入口拱廊前等候入場；開幕一刻，大批遊客湧入園區，首數名入園粉絲更獲樂園贈送音樂盒紀念品。開幕半小時後，輪候隊伍已排至「反斗奇兵大本營」，樂園遂採取分流措施，適時分段放行。
排首位嘅鄭小姐提早1小時排隊，她希望購買髮帶等主題系列商品，亦期待乘搭有激流效果的小船「魔雪奇幻之旅」，並稱園內「打卡好靚，可以嚟多幾次」。有日本旅客特意來港見證新園區開幕，指期待許久，見到園區真貌好開心，又預計會花逾千元港幣購買紀念品。
財政司司長陳茂波都有出席歡迎典禮，形容園區開幕係一個「重要時刻」，樂園設施和體驗提升至全新水平，有望吸引更多旅客訪港，並成為來港必訪的「願望清單」。香港迪士尼行政總裁莫偉庭說，對樂園擁有全球首個及最大嘅《魔雪奇緣》主題園區感到自豪，相信聖誕假期可吸引更多遊客入場。
Kelly Chu
最Hit
暑假北上搭東鐵有著數！八達通3大港鐵跨境優惠 1類人免費往來羅湖/落馬洲 長者樂悠咭拍咭減$6
2026-07-10 11:33 HKT
23歲內地女實測「早睡挑戰」 11點前睡覺 堅持4年效果驚人！網民驚呼：我信但做不到
2026-07-09 13:00 HKT
贏$1400變狂倒$38萬落海 港男首戰賭場輸身家後崩潰做一事 友人嘆：唔好唔信邪｜Juicy叮
2026-07-10 11:10 HKT
更多文章
