KellyChu - 有動物互動 有攤位遊戲 東九龍動物嘉年華周日回歸喇｜Executive日記
KellyChu
2023-11-09 00:00 HKT
字體大小
東九龍總區防止罪案辦公室主辦嘅「第三屆東九龍動物嘉年華」，今個星期日喺觀塘海濱回歸！現場除咗可以同各種可愛嘅大小動物互動，仲可以即場領養，各位鍾意動物嘅朋友，快啲Mark低日子喇！
今年嘉年華主題係「護動顯愛心」，免費入場，大家可以帶埋愛寵入場遊玩，仲可以喺現場接觸唔同種類嘅動物、參加攤位遊戲、去打卡位影相、欣賞魔術同警犬表演等。大會仲邀請咗《中年好聲音》歌手吳大強及歌手鍾雨璇現場唱live，等大家同各種動物互動之餘，可以浸淫喺美妙音樂裏面。更重要嘅係，現場設有動物領養攤位，畀有愛心同負責任嘅你申請領養！
過去兩屆動物嘉年華雖然喺疫情下舉行，但都吸引好多朋友入場。例如去年，大會就邀請咗多間學校、愛護動物協會等參加，好多小朋友都玩得好開心。另外，為咗宣揚愛護動物精神，警務處處長蕭澤頤當時亦到場支持，期間仲同一條蛇玩咗下！唔知星期日嘅嘉年華，大家會唔會繼續偶遇蕭Sir呢？
Kelly Chu
最Hit
TVB富貴人妻自爆做「收縮陰部」手術：未生前已好想做 馬主老公聘兩專員全天候照顧愛妻
2025-11-21 13:00 HKT
中電電費優惠2026｜ 9大電費資助 長者半價！派$100消費券+$1000津貼 即睇申請資格/方法
2025-11-21 10:56 HKT
將軍澳酒樓開業不足一年突結業！上手連鎖酒家同樣敗走 網民分析2大執笠原因
2025-11-21 13:22 HKT
更多文章
