港隊男子足球隊早前喺杭州亞運以1:0擊敗伊朗,歷史性晉級四強。今晚6點,港隊會喺蕭山體育中心體育場對戰日本,為咗等大批球迷一齊撐港隊,中國香港足球總會今晚就喺銅鑼灣英皇戲院舉行睇波活動,每張門票象徵式收費1元,入場即可獲爆谷1份,現場買飲品半價。球迷昨晚6時起可以到英皇戲院網站買票,但真係好搶手,開賣唔夠3分鐘,所有門票都賣晒!入場即獲爆谷1份不過,買唔到票嘅球迷都唔使灰心,大家今晚可以到中環街市、奧海城、西九龍中心等商場觀賞四強大戰。小妹亦祝願港隊今晚再創佳績!Kelly Chu■中國香港足球總會今晚就喺銅鑼灣英皇戲院舉行睇波活動。