KellyChu - 李家傑：集結創新科技力量 解決地球危機 「碳汭未來」大賽接受報名 向零碳目標進發｜Executive日記
KellyChu
2023-09-20
字體大小
第三屆TERA-Award「碳汭未來」智慧能源創新大賽昨日起接受報名，全球科創團隊可向大會提交智慧能源領域嘅創新技術同解決方案，共同向零碳願景目標進發。今屆冠軍獎金達100萬美元，得獎團隊有機會獲投資者及企業協助落實參賽項目，與唔同領域嘅專家、投資方交流，等項目可以迅速落地應用。
TERA-Award大賽由香港中華煤氣與國家電力投資集團聯合主辦。今屆以「尋找零碳科技新力量」為主題，涵蓋六大參賽範疇，包括「可再生能源」、「儲能及能源轉化」、「碳中和」、「氫能」、「能源數字化」。今年仲新增「綠色智慧城市」範疇，鼓勵多方面零碳應用方案。
恒基兆業地產主席、香港中華煤氣主席李家傑話，前兩屆TERA-Award大賽已從全球招募到嚟自逾41個國家和地區、共483個零碳科技嘅創業項目，相信只要全世界科學家團結起來，通過創新科技嘅力量，就可以打造真正全方位嘅零碳智慧世界，有望解決地球危機。佢強調，呢個不單止係一場比賽，更係中華煤氣作為百年能源企業嘅承諾和擔當。
國家電力投資集團黨組成員、副總經理盧洪早亦期望，比賽可以徵集更多唔同範疇、具突破性嘅技術同解決方案。
Kelly Chu
最Hit
更多文章
