KellyChu - 今天封面：時尚教母宋懷桂 星島《ArtCan》大革新 前衛有型｜Executive日記
KellyChu
2023-08-10 00:00 HKT
字體大小
《星島日報》突破框框，全策展文化藝術板塊《ArtCan》，上周四首期出版後，大受讀者、演藝團體和支持文化藝術的企業歡迎。好多人睇完之後，都同Kelly大讚，設計有心思，充滿藝術美感。話咁快，今日改革版《ArtCan》出第二期，封面故事介紹正在M+博物館展出的時尚教母宋懷桂展覽，到底她如何透過前衛思維，改變中國的時裝潮流？淨睇封面，小妹就感受到好IN嘅氣息！
逢周四隨《星島日報》附送嘅《ArtCan》，今日迎來大改革後嘅第二期！今期封面故事，係介紹正喺M+博物館展出嘅展覽《宋懷桂：藝術先鋒與時尚教母》。宋懷桂到底係邊個？佢係藝術先鋒、商界精英、時尚教母同文化大使。今期就同大家細述，她如何從1980至2000年將模特兒時裝秀帶入中國，打開中西時尚圈交流之門，亦將全國清一色嘅「毛裝」大解放。
當然，今期無論圖片、設計同排版都一如既往咁潮咁靚，令人眼前一亮。《星島》編採團隊就話，大家集思廣益，一齊打破框框，全新策展《ArtCan》，目標鮮明，係同全港藝團同行，同時鼓勵大企業支持文藝創意工業，合力推廣香港嘅文藝氛圍，以Art連繫社群，講我哋嘅故事。
另外，唔少讀者都同小妹大讚，「ArtCan」首期封面故事，介紹香港芭蕾舞團嘅合家歡節目《心兒與她的奇幻恐龍書》，十分精采，好多人廣傳分享。
Kelly Chu
最Hit
聖誕｜港人北上旅遊逼爆口岸 羅湖滿街「藍精靈」 網民笑稱：意外救活內地一「夕陽業務」
2025-12-25 14:33 HKT
阮小儀結婚丨離開商台鋪路做人妻 森美公開遭告知婚訊一刻 被問小儀老公身份咁回應
2025-12-25 15:50 HKT
宏福苑五級火｜消防6工協會嚴厲譴責「冼國林」不實言論：侮辱專業、打擊團隊、誤導公眾
2025-12-25 18:38 HKT
酒樓結業潮2025｜20間老字號/酒店中菜/連鎖集團酒家結業！鴻星成歷史 1街坊酒樓浴火重生
2025-12-25 10:00 HKT
更多文章
