KellyChu - 設逾300攤位 市民入場血拼 工展會購物節 熟食攤超吸引｜Executive日記
KellyChu
2023-08-05 00:00 HKT
字體大小
一連4日嘅工展會購物節昨日喺亞洲國際博覽館開幕喇！場內設有300幾個攤位，而且係疫情後首次設熟食攤位，吸引大批市民入場大手掃貨，而小朋友就又食又玩好開心！
今次購物節分成6大展區，包括休閒食品區、生活家品區、服飾美容區等，部分產品仲低於1元發售！現場亦設美食同遊戲攤位，仲免費派發1000份雪糕。有幾十位市民開幕前已經到場排隊，有人仲帶埋購物車嚟掃貨！有同家長到場嘅小朋友就話，現場可以試食好多美食，好開心！亦有市民話，入場前都沒諗過今年可以試食，試完之後買咗好多食品。另外，唔少市民預計花費幾千元大手入貨。
商務及經濟發展局局長丘應樺亦到場支持，仲同廠商會會長史立德一齊，即場食雪條解暑！史立德就話，去年活動有6000多萬元銷售額，今年希望可以吸引內地旅客到場，期望人流同銷售額分別增加1成，協助中小企盡快復常，帶動經濟。
Kelly Chu
最Hit
罐裝蛋卷正確打開方式！餅家教用1物輕鬆開蓋 網民錯重點：教咗點拎第一條先！
2026-02-10 13:37 HKT
長者咭/樂悠咭點樣分？35+精選優惠 申請方法/文件/兩咭分別/申請教學一文睇清
2026-02-10 11:52 HKT
最平澳門直通巴路線? ！OK巴士增深圳來往珠海澳門路線 羅湖、福田經深中通道 1.5小時直達拱北口岸
2026-02-10 12:52 HKT
更多文章
