KellyChu - 派禮物愛心糭 大玩扒龍舟釣糭遊戲樂融融 香港各界扶貧促進會邀200基層賀端陽｜Executive日記
KellyChu
2023-06-12 00:00
字體大小
俗語話：「未食五月糭，寒衣未入櫳」，近日天氣炎熱，大家都感受到端午節臨近。為咗同更多市民分享節日氣氛，香港各界扶貧促進會喺剛過去嘅周末，喺大角咀一間幼稚園內舉辦咗「樂在社區關愛行動－各界凝聚愛在端午」活動，邀請油尖旺區內200名來自基層家庭嘅小朋友同家長參與。小朋友參與攤位遊戲後，仲獲得促進會捐贈嘅禮物及愛心糭。有幼稚園嘅校監更透露，今次係疫情後首次開放校園，同區內居民一起過節，感到十分高興。
現場設有三個與端午節相關嘅攤位遊戲，包括釣糭、用紙扇「扒」龍舟，及投籃活動，家長可與子女比併，不少人玩得好高興。活動亦請來香港各界扶貧促進會會長兼召集人、星島新聞集團主席蔡加讚，以及社區關愛大使鄺潔楹主禮，二人更親自向現場出席嘅小朋友派發禮品，包括玩具、文具以及糭，好多小朋友拿到之後即場拆開，又開心同他人介紹唔同禮物，更有人高舉愛心糭，心情愉快，小朋友收到禮物嗰陣，仲會怕醜咁講聲多謝，然後拖住家長蹦蹦跳回家。
今次借出場地嘅啟文幼稚園暨幼兒園校監徐兆兒就話，活動準備咗三星期，早前同校園老師商討嗰陣，希望藉遊戲教育小朋友有關端午節嘅文化，亦因獲邀者年齡由3至12歲都有，會考慮佢哋嘅體力去設計。佢續稱，疫情期間，基層家庭常困喺屋企，尤其居於劏房嘅家庭更辛苦，冇太多地方走動，今次終於可以開放校園，希望繼之前派防疫物資後，再為佢哋舉辦活動，令佢哋可以「又食又拎仲有得玩」，了解中國傳統文化嘅同時，亦可同鄰里間建立良好關係。
Kelly Chu
■星島新聞集團主席蔡加讚與社區關愛大使鄺潔楹為活動主禮。
現場設有三個與端午節相關嘅攤位遊戲，包括釣糭、用紙扇「扒」龍舟，及投籃活動，家長可與子女比併，不少人玩得好高興。活動亦請來香港各界扶貧促進會會長兼召集人、星島新聞集團主席蔡加讚，以及社區關愛大使鄺潔楹主禮，二人更親自向現場出席嘅小朋友派發禮品，包括玩具、文具以及糭，好多小朋友拿到之後即場拆開，又開心同他人介紹唔同禮物，更有人高舉愛心糭，心情愉快，小朋友收到禮物嗰陣，仲會怕醜咁講聲多謝，然後拖住家長蹦蹦跳回家。
今次借出場地嘅啟文幼稚園暨幼兒園校監徐兆兒就話，活動準備咗三星期，早前同校園老師商討嗰陣，希望藉遊戲教育小朋友有關端午節嘅文化，亦因獲邀者年齡由3至12歲都有，會考慮佢哋嘅體力去設計。佢續稱，疫情期間，基層家庭常困喺屋企，尤其居於劏房嘅家庭更辛苦，冇太多地方走動，今次終於可以開放校園，希望繼之前派防疫物資後，再為佢哋舉辦活動，令佢哋可以「又食又拎仲有得玩」，了解中國傳統文化嘅同時，亦可同鄰里間建立良好關係。
Kelly Chu
最Hit
更多文章
