曾智華 - 神來之粥｜祿祿無窮
曾智華
2023-05-25 00:00 HKT
字體大小
做廚師，一如所有表演行業，要登頂，不能單靠天份或三幾招師傅「教落」的秘技。一定要不停鑽研，不停思考如何將一種傳統菜式不斷提升，突破再突破。
小弟不懂廚技，但日子有功，對食物水平略有研究，可拆解大廚的斤両去到甚麼水平，一啖就心裏有數。
對日日上進的奮發廚師，我當然不停拜訪。
其中之一為馬會滿貫廳的林勸飛師傅。每隔三個月就心思思帶為食鬼去，必須拉大隊，因若冇一圍人，難以痛痛快快一餐試到多款新菜。
次次去之前，必先給林大師預算，然後話：「一切你揸庒！總之，唔該俾出驚喜！」
預訂一個月，昨晚時辰到，操去快活谷，透過落地玻璃，望住綠油油跑道開餐。成班為食鬼屬多年老友，可以肆無忌憚天南地北亂咁噏，呢種情懷，享受到一次就一次，因在座全部接近或已過七字頭也。
是晚菜單：黑松露帶子、炭燒腩仔、蜜汁燒鳳肝、海鮮迷你冬瓜盅、豆酥百花釀蝦球（超級正！）、桂花梨黑醋小腩排、脆皮燒鵝王、椒絲麵醬唐生菜。
單單以上已飽上喉嚨，人人正想投降之際，嘩，上枱單尾為「神來之粥」——堂煮粥水方脷球配金方脷魚頭腩及海苔魚皮。
好味到跪謝食神，全枱一滴都冇剩！
曾智華
小弟不懂廚技，但日子有功，對食物水平略有研究，可拆解大廚的斤両去到甚麼水平，一啖就心裏有數。
對日日上進的奮發廚師，我當然不停拜訪。
其中之一為馬會滿貫廳的林勸飛師傅。每隔三個月就心思思帶為食鬼去，必須拉大隊，因若冇一圍人，難以痛痛快快一餐試到多款新菜。
次次去之前，必先給林大師預算，然後話：「一切你揸庒！總之，唔該俾出驚喜！」
預訂一個月，昨晚時辰到，操去快活谷，透過落地玻璃，望住綠油油跑道開餐。成班為食鬼屬多年老友，可以肆無忌憚天南地北亂咁噏，呢種情懷，享受到一次就一次，因在座全部接近或已過七字頭也。
是晚菜單：黑松露帶子、炭燒腩仔、蜜汁燒鳳肝、海鮮迷你冬瓜盅、豆酥百花釀蝦球（超級正！）、桂花梨黑醋小腩排、脆皮燒鵝王、椒絲麵醬唐生菜。
單單以上已飽上喉嚨，人人正想投降之際，嘩，上枱單尾為「神來之粥」——堂煮粥水方脷球配金方脷魚頭腩及海苔魚皮。
好味到跪謝食神，全枱一滴都冇剩！
曾智華
最Hit
長生津覆檢開始！長者注意紫色通知書 未如期申報或被暫停津貼（ 附最新資產限額＋填表須知）
2026-04-03 19:21 HKT
網傳瀋陽爆隨機斬殺案致多人亡 無頭軀體倒街頭
13小時前
在職家庭津貼2026/27｜4月上調入息資產限額 申請資格/津貼金額/一次性額外款項一文睇清
2026-04-04 11:53 HKT
六合彩｜8000萬復活節金多寶攪珠結果 頭獎一注中幸運兒擸8114萬 齊來對冧巴 !
2026-04-04 21:33 HKT
更多文章
