KellyChu - 小灣鱷貝貝中年發福矇豬眼｜Executive日記
KellyChu
2023-05-20
字體大小
早前喺八鄉蓮花地驚現一條暹羅鱷，令人再關注濕地公園嘅灣鱷「貝貝」。由於「貝貝」經常逗留水底，市民要見佢一面唔係咁容易。有網民最近分享「貝貝」最新相片，只見佢發福唔少，仲「變咗矇豬眼」。Kelly相信佢真係好食好住。
雌性小灣鱷「貝貝」於03年11月喺元朗南生圍山貝河出現，04年6月終落網，於06年移送至濕地公園，生活至今。有網民近日喺Facebook專頁「香港風景分享組」，分享「貝貝」最新相片，顯示佢罕有地離開水底，正在陸地享受日光浴，僅一隻眼張開，看起來相當舒服。
但經過近20年喺濕地公園的養尊處優，「貝貝」疑似中年發福，體形變得相對圓潤，發帖者更稱「近貌也頗猙獰」。有網民笑言「貝貝」「由BB變成老人」，形容佢為「肥貝貝」、「長貝」，亦有人認為「變咗矇豬眼」，直指「佢好醜樣」。小妹見到「貝貝」咁「向橫發展」，都希望佢要均衡飲食，做多啲運動，唔好有中年肥胖啊！
Kelly Chu
雌性小灣鱷「貝貝」於03年11月喺元朗南生圍山貝河出現，04年6月終落網，於06年移送至濕地公園，生活至今。有網民近日喺Facebook專頁「香港風景分享組」，分享「貝貝」最新相片，顯示佢罕有地離開水底，正在陸地享受日光浴，僅一隻眼張開，看起來相當舒服。
但經過近20年喺濕地公園的養尊處優，「貝貝」疑似中年發福，體形變得相對圓潤，發帖者更稱「近貌也頗猙獰」。有網民笑言「貝貝」「由BB變成老人」，形容佢為「肥貝貝」、「長貝」，亦有人認為「變咗矇豬眼」，直指「佢好醜樣」。小妹見到「貝貝」咁「向橫發展」，都希望佢要均衡飲食，做多啲運動，唔好有中年肥胖啊！
Kelly Chu
更多文章
