KellyChu - 觀塘海濱添巨型壁畫 呈現宋朝至今各行業人物｜Executive日記
KellyChu
2023-01-31
字體大小
行開觀塘嘅朋友應該發現，觀塘繞道30組橋墩最近畫咗色彩斑斕嘅巨型壁畫，原來呢組畫主題係「Lift Up九龍東」，分別呈現宋朝至今、九龍東30個唔同行業嘅人物故事，主題包括穿塑膠花工人、九龍麵粉廠等。而家大家係海濱道公園等地散步，除咗可以同壁畫影相打卡，不妨同時熟悉埋九龍東嘅發展故事！
30組壁畫以「Lift Up 九龍東」為主題，設計團隊包括建築師梁安裕同設計師龍曉琳，佢哋都係90後，希望透過壁畫，刻畫九龍東唔同時期、唔同行業嘅人物，記錄佢哋嘅工作同生活，表揚佢哋為九龍東發展付出嘅努力。佢哋話，製作過程長達3個半月，期間要向唔同政府部門、施工單位協調，最終選用易於裱裝同移除嘅3M™高質噴畫物料，代替傳統手繪同油畫，充份展示作品神髓，真係一啲都唔容易！
Kelly Chu
30組壁畫以「Lift Up 九龍東」為主題，設計團隊包括建築師梁安裕同設計師龍曉琳，佢哋都係90後，希望透過壁畫，刻畫九龍東唔同時期、唔同行業嘅人物，記錄佢哋嘅工作同生活，表揚佢哋為九龍東發展付出嘅努力。佢哋話，製作過程長達3個半月，期間要向唔同政府部門、施工單位協調，最終選用易於裱裝同移除嘅3M™高質噴畫物料，代替傳統手繪同油畫，充份展示作品神髓，真係一啲都唔容易！
Kelly Chu
更多文章
