曾智華 - 高鐵通車小明彈出｜祿祿無窮
曾智華
2023-01-30
字體大小
千呼萬喚，高鐵終於通車，正！小弟身邊為食鬼個個摩拳擦掌，部署下月殺去潮汕！
點解？因對當地劏咗仍會卜卜跳的新鮮牛肉，夢魂縈繞，已三年望穿秋水，希望盡快再得嚐這世界級美味。
高鐵通車，我老友李家仁醫生，極度興奮。李家仁除是兒科聖手外，更家傳戶曉的，為有個「小明」的身份。
呢個「小明」，十三年前，似在石頭中爆出般，從來冇人能預見。結果，一曲《小明上廣州》，竟然Hit到街知巷聞，電視電台狂播，眾多大型活動，也頻頻邀請他亮相，以吸引遊人。
老老實實，李家仁並非甚麼歌星，也非歌藝特別超卓，但勝在外形卡通化。而身為專業人士及當年屬九龍樂善堂主席，竟紆尊降貴通街走去娛樂大眾，頗出人意表。
據我觀察，佢百分百享受「小明」這身份帶來的喜悅，肯定，遠遠比做醫生有更大滿足感！
不過，熱潮總會過去。加上，三年疫情令高鐵停運，點唱呀？
不過，哈哈哈，總有一日「龍穿鳳」。終於，最近高鐵又開通喇。「小明」立即拉住監製韋然，火速製作一首《小明搭高鐵》，畫面比十幾年前高清醒目得多。作為老友，小弟當然第一時間收到啦。喂喂！高鐵管理層，呢條免費片，快啲多多盡用啊，有極大宣傳效用㗎！
曾智華
點解？因對當地劏咗仍會卜卜跳的新鮮牛肉，夢魂縈繞，已三年望穿秋水，希望盡快再得嚐這世界級美味。
高鐵通車，我老友李家仁醫生，極度興奮。李家仁除是兒科聖手外，更家傳戶曉的，為有個「小明」的身份。
呢個「小明」，十三年前，似在石頭中爆出般，從來冇人能預見。結果，一曲《小明上廣州》，竟然Hit到街知巷聞，電視電台狂播，眾多大型活動，也頻頻邀請他亮相，以吸引遊人。
老老實實，李家仁並非甚麼歌星，也非歌藝特別超卓，但勝在外形卡通化。而身為專業人士及當年屬九龍樂善堂主席，竟紆尊降貴通街走去娛樂大眾，頗出人意表。
據我觀察，佢百分百享受「小明」這身份帶來的喜悅，肯定，遠遠比做醫生有更大滿足感！
不過，熱潮總會過去。加上，三年疫情令高鐵停運，點唱呀？
不過，哈哈哈，總有一日「龍穿鳳」。終於，最近高鐵又開通喇。「小明」立即拉住監製韋然，火速製作一首《小明搭高鐵》，畫面比十幾年前高清醒目得多。作為老友，小弟當然第一時間收到啦。喂喂！高鐵管理層，呢條免費片，快啲多多盡用啊，有極大宣傳效用㗎！
曾智華
更多文章
