曾智華 - 香港仙境｜祿祿無窮
曾智華
2023-01-17 00:00 HKT
字體大小
香港乃一個自由地方，人人睇嘢都可以用不同角度。所以，絕對冇乜話統一口徑咁專制。
例如，你在社交平台上發表任何意見，包括邊個藝員靚，邊個球員好波，邊隻股值得投資……必定有N咁多人留言唱反調。
當然，若你論及政治、宗教及政府政策，就更「死多二錢重」，必定炮聲隆隆。
同樣，我由始至終（即直至今天），凡講起香港，都公開話愛到入心入肺。但必定有反對聲音，認為應該有咁快走咁快。
當然，你讚香港美麗，一樣死。反應是「香港又迫又嘈又污糟，空氣又差，根本冇地方好行，咁鬼細……」
真係拗都無謂，留返啖氣暖肚好過。總之，人以群分，我只會與同「波段」者交往。
小弟有兩個老友，一名CK，另一名區公，皆為屬「發掘美麗的香港」發燒友。不分晝夜，用手機好，用單鏡機好，走勻香港，尋找香港最美麗的一面，將其記錄，再發給同道好友。
上周，CK傳來一幅青馬大橋夜景，簡直沙龍之作，肯定可以去到開影展級數。
區公呢，則於某個天朗氣清早晨，一支公辰咁早就捐咗去流水響。此時，當然渺無人煙，於是，佢只輕輕舉起手機，校準焦點，一撳，就出咗一幅令你驚歎——吓，「乜呢度係香港咩？」的仙境般風景照（相），真係靚到喊呀！
曾智華
例如，你在社交平台上發表任何意見，包括邊個藝員靚，邊個球員好波，邊隻股值得投資……必定有N咁多人留言唱反調。
當然，若你論及政治、宗教及政府政策，就更「死多二錢重」，必定炮聲隆隆。
同樣，我由始至終（即直至今天），凡講起香港，都公開話愛到入心入肺。但必定有反對聲音，認為應該有咁快走咁快。
當然，你讚香港美麗，一樣死。反應是「香港又迫又嘈又污糟，空氣又差，根本冇地方好行，咁鬼細……」
真係拗都無謂，留返啖氣暖肚好過。總之，人以群分，我只會與同「波段」者交往。
小弟有兩個老友，一名CK，另一名區公，皆為屬「發掘美麗的香港」發燒友。不分晝夜，用手機好，用單鏡機好，走勻香港，尋找香港最美麗的一面，將其記錄，再發給同道好友。
上周，CK傳來一幅青馬大橋夜景，簡直沙龍之作，肯定可以去到開影展級數。
區公呢，則於某個天朗氣清早晨，一支公辰咁早就捐咗去流水響。此時，當然渺無人煙，於是，佢只輕輕舉起手機，校準焦點，一撳，就出咗一幅令你驚歎——吓，「乜呢度係香港咩？」的仙境般風景照（相），真係靚到喊呀！
曾智華
最Hit
在職家庭津貼2026/27｜4月上調入息資產限額 申請資格/津貼金額/一次性額外款項一文睇清
2026-04-04 11:53 HKT
長生津覆檢開始！長者注意紫色通知書 未如期申報或被暫停津貼（ 附最新資產限額＋填表須知）
2026-04-03 19:21 HKT
六合彩｜8000萬復活節金多寶攪珠結果 頭獎一注中幸運兒擸8114萬 齊來對冧巴 !
2026-04-04 21:33 HKT
更多文章
