曾智華 - 澳門開關傻吓傻吓｜祿祿無窮
曾智華
2022-12-20 00:00
字體大小
半年前，人人柴香港政府，話開關慢過人，窒吓窒吓。就算去到「0+3」，也根本冇乜效果，因香港咁細，旅客抵埗後，你要佢「搞」足三日？邊種遊客會咁傻來此玩？
結果，益晒香港本土人，個個綁咗三年，一鬆就飛走晒。慘矣，冇遊客來，但本土高消費力者個個走晒遊埠去也，政策有點「捉蟲蟲」！
不過，哈哈，比起澳門，我哋仍然勝一籌！
澳門呢個埠仔命脈，由頭到尾靠遊客（主要賭客）生存。疫情開始，緊跟內地，死都唔放，結果搞到奄奄一息，賭業集團蝕到嗌救命。
幸而，早年個個賺得肥到着唔到襪，底厚，故雖不斷失「脂肪」，但未使死。
澳門早期一直推行的「5+3」（五天酒店集中隔離及三天居家隔離），百分百趕客，阿水會去咩！
好嘞，如今「優化」嘞，但仍慢香港N步，竟然仍要搞個「新5+3」（五天居家監察，然後三天離境限制），即係要困你八日？
真係唔知佢個特首賀一誠諗乜嘅。
澳門，埠仔一個，有乜吸引？係呀，全中國獨一無二賭場在此。但普通常識，先不講內地人，只講香港賭徒。去澳門賭幾手，當然即日二十四小時來回，再磨，頂多過夜而已。
如今入賭場你困佢幾日？會嚟咩？傻的嗎？
若論遊客，或過境客，更荒謬，阿水會返大陸前甘心被困八日呀？有乜咁巴閉呀？
澳門新防疫政策，傻吓傻吓，究竟幫到乜呢？
曾智華
結果，益晒香港本土人，個個綁咗三年，一鬆就飛走晒。慘矣，冇遊客來，但本土高消費力者個個走晒遊埠去也，政策有點「捉蟲蟲」！
不過，哈哈，比起澳門，我哋仍然勝一籌！
澳門呢個埠仔命脈，由頭到尾靠遊客（主要賭客）生存。疫情開始，緊跟內地，死都唔放，結果搞到奄奄一息，賭業集團蝕到嗌救命。
幸而，早年個個賺得肥到着唔到襪，底厚，故雖不斷失「脂肪」，但未使死。
澳門早期一直推行的「5+3」（五天酒店集中隔離及三天居家隔離），百分百趕客，阿水會去咩！
好嘞，如今「優化」嘞，但仍慢香港N步，竟然仍要搞個「新5+3」（五天居家監察，然後三天離境限制），即係要困你八日？
真係唔知佢個特首賀一誠諗乜嘅。
澳門，埠仔一個，有乜吸引？係呀，全中國獨一無二賭場在此。但普通常識，先不講內地人，只講香港賭徒。去澳門賭幾手，當然即日二十四小時來回，再磨，頂多過夜而已。
如今入賭場你困佢幾日？會嚟咩？傻的嗎？
若論遊客，或過境客，更荒謬，阿水會返大陸前甘心被困八日呀？有乜咁巴閉呀？
澳門新防疫政策，傻吓傻吓，究竟幫到乜呢？
曾智華
更多文章
