KellyChu - 卸下旅發局重責 同事不捨 Cynthia包軟雪糕車甜蜜話別｜Executive日記
KellyChu
2022-12-16 00:00 HKT
字體大小
為香港旅遊業打拼咗二十年嘅旅發局企業事務總經理及美洲區域幹事梁美寶（Cynthia)，昨日正式卸下呢個重責，佢同團隊多年來構思好多極具創意嘅宣傳活動，令到全世界嘅旅客都好愛香港。呢次話別，佢為咗令同事留下甜美嘅回憶，昨天包咗一部軟雪糕車，泊喺公司樓下，所有旅發局同事行過都可以歎番杯軟雪糕，真係甜到入心。
喺呢二十年，Cynthia對外推廣香港嘅形象，制定提升旅客體驗策略，仲不時拆公關炸彈，又參與公共事務，真係不遺餘力，名副其實係香港嘅大使，除咗協助旅遊業吸引旅客，仲喺公關、旅遊等多個界別有廣闊人脈，係公關高手。佢昨天好開心同班同事喺軟雪糕車前合照留念，人人手上有杯軟雪糕，開心到呢！為自己喺旅發局嘅服務畫上甘甜完美句號。
Cynthia喺過去二十年服務過旅發局四任主席、三任總幹事，包括前旅發局主席周梁淑怡、田北俊、林建岳、現任主席彭耀佳；前旅發局總幹事臧明華、劉鎮漢、現任總幹事程鼎一，長期服務香港，真係好叻！
Kelly Chu
■Cynthia（右）包咗一部軟雪糕車，請所有同事歎番杯軟雪糕。旁為副總經理Alice。
喺呢二十年，Cynthia對外推廣香港嘅形象，制定提升旅客體驗策略，仲不時拆公關炸彈，又參與公共事務，真係不遺餘力，名副其實係香港嘅大使，除咗協助旅遊業吸引旅客，仲喺公關、旅遊等多個界別有廣闊人脈，係公關高手。佢昨天好開心同班同事喺軟雪糕車前合照留念，人人手上有杯軟雪糕，開心到呢！為自己喺旅發局嘅服務畫上甘甜完美句號。
Cynthia喺過去二十年服務過旅發局四任主席、三任總幹事，包括前旅發局主席周梁淑怡、田北俊、林建岳、現任主席彭耀佳；前旅發局總幹事臧明華、劉鎮漢、現任總幹事程鼎一，長期服務香港，真係好叻！
Kelly Chu
更多文章
