KellyChu - 接待近60名東南亞旅遊業界代表 旅發局復辦大型考察團｜Executive日記
KellyChu
2022-12-15 00:00 HKT
字體大小
政府昨日起撤銷入境「黃碼」限制，旅發局率先復辦大型東南亞旅遊業界考察團，接待近六十名東南亞旅遊業界代表，安排佢哋親身體驗西九文化區M+、故宮文化博物館、主題樂園等地，亦會與本地業界洽談合作，為東南亞旅客來港作準備。Kelly就覺得，香港真係已經重返國際舞台喇！
今次呢個東南亞考察團六十位成員來自泰國、馬來西亞、印尼、菲律賓及新加坡五國，行程合共五日四夜，期間會參觀M+、香港故宮文化博物館，走訪宗教場所，深入了解香港地道文化；亦會喺主題樂園內體驗全新設施同節目。旅發局昨日就專誠安排代表參觀位於西九文化區嘅聖誕小鎮，等佢哋親身同全港最巨型嘅聖誕樹合照許願。訪港期間，旅發局會安排考察團成員同本地旅遊業界會面，商討未來合作機會。
旅發局總幹事程鼎一就話，為咗吸引更多旅客來港，會斥資超過一億元，開展全球宣傳計劃，邀請海外名人同媒體來港參觀；亦會同唔同單位，推出免費機票等優惠；佢又透露，明年至少有二百個盛事會喺香港舉行。另外，政府雖然取消「黃碼」限制，但佢期望，未來可以逐步放寬其他防疫限制。
Kelly Chu
今次呢個東南亞考察團六十位成員來自泰國、馬來西亞、印尼、菲律賓及新加坡五國，行程合共五日四夜，期間會參觀M+、香港故宮文化博物館，走訪宗教場所，深入了解香港地道文化；亦會喺主題樂園內體驗全新設施同節目。旅發局昨日就專誠安排代表參觀位於西九文化區嘅聖誕小鎮，等佢哋親身同全港最巨型嘅聖誕樹合照許願。訪港期間，旅發局會安排考察團成員同本地旅遊業界會面，商討未來合作機會。
旅發局總幹事程鼎一就話，為咗吸引更多旅客來港，會斥資超過一億元，開展全球宣傳計劃，邀請海外名人同媒體來港參觀；亦會同唔同單位，推出免費機票等優惠；佢又透露，明年至少有二百個盛事會喺香港舉行。另外，政府雖然取消「黃碼」限制，但佢期望，未來可以逐步放寬其他防疫限制。
Kelly Chu
更多文章
