曾智華 - 戴移動假牙冇口福｜祿祿無窮
曾智華
2022-11-07 00:00 HKT
字體大小
上周一夠期做腸鏡與胃鏡，先一晚瀉到腳仔軟軟，上午空肚走去檢驗中心。
按指示，剝光豬換橡筋頭紙褲，瞓上手術牀，護士先替我蓋被保暖，然後問：「有冇移動假牙？」
乜係「移動假牙」？即可以隨時剝出的假牙。做手術時人全麻醉，會插喉，若假牙甩出頂住喉嚨就大件事也。
今日講起移動假牙，因前晚去私房菜名店「冲菜」晚飯，品嚐咗其中一味招牌菜——天九魚唇紅燒肉（圖），真係好味到飛起。件件魚唇有三分一至半吋厚，炆到又稔又入味，起晒膠，肯定骨膠原爆晒錶也。
小弟夾起一件放入口，再用牙輕咬，嘩！講起唔信，上下牙立即黐住，要略略用力才能甩開，再𡁻呀𡁻，立時膠質杰撻撻滿口腔。
老友，呢味名菜，若有移動假牙在口者整件，肯定出洋相，假牙甩硬！
問老闆葉沖：「你喺邊度搵到咁多天九魚唇呀？」
「要四圍收㗎碌Sir。好在暫時冇乜人肯做，因煩到抽筋，工夫成籮。事實，亦冇乜人識做，因發一件咁鬼厚魚唇，好多橋妙㗎！」
呢個靚佬冲，早早經濟上晒岸，完全財務自由，竟然日日咁鬼煩去炮製食物，重要服侍班奄尖腥悶客人，攞苦嚟辛。
不過，呢個世界有樣嘢實在魅力沒法擋——興趣。能夠從事有興趣工作者，第一不會計較，第二多會成功，這是我的N年見證！
曾智華
按指示，剝光豬換橡筋頭紙褲，瞓上手術牀，護士先替我蓋被保暖，然後問：「有冇移動假牙？」
乜係「移動假牙」？即可以隨時剝出的假牙。做手術時人全麻醉，會插喉，若假牙甩出頂住喉嚨就大件事也。
今日講起移動假牙，因前晚去私房菜名店「冲菜」晚飯，品嚐咗其中一味招牌菜——天九魚唇紅燒肉（圖），真係好味到飛起。件件魚唇有三分一至半吋厚，炆到又稔又入味，起晒膠，肯定骨膠原爆晒錶也。
小弟夾起一件放入口，再用牙輕咬，嘩！講起唔信，上下牙立即黐住，要略略用力才能甩開，再𡁻呀𡁻，立時膠質杰撻撻滿口腔。
老友，呢味名菜，若有移動假牙在口者整件，肯定出洋相，假牙甩硬！
問老闆葉沖：「你喺邊度搵到咁多天九魚唇呀？」
「要四圍收㗎碌Sir。好在暫時冇乜人肯做，因煩到抽筋，工夫成籮。事實，亦冇乜人識做，因發一件咁鬼厚魚唇，好多橋妙㗎！」
呢個靚佬冲，早早經濟上晒岸，完全財務自由，竟然日日咁鬼煩去炮製食物，重要服侍班奄尖腥悶客人，攞苦嚟辛。
不過，呢個世界有樣嘢實在魅力沒法擋——興趣。能夠從事有興趣工作者，第一不會計較，第二多會成功，這是我的N年見證！
曾智華
最Hit
結業潮2025｜唔止海皇粥店全線結業 半年13間連鎖食肆關門 過江龍／茶餐廳／太興旗下台菜都捱唔住
2025-05-08 12:12 HKT
醫工結合｜理大凝聚跨學科研究力量 推動健康老齡化科技創新
2025-05-08 17:00 HKT
更多文章
