曾智華 - 房署總部阿哥快放位｜祿祿無窮
曾智華
2022-10-28 00:00 HKT
字體大小
一九七八年，小弟到《歡樂今宵》做助導，有一個非常煞食環節，有效到飛起，名《眼中釘》。晚晚何守信大大聲嗌——睇唔過眼要出聲，快啲寄嚟眼中釘！
「睇唔過眼」的信，雪片飛來！點解？第一，小市民唔識投訴；第二，投訴無門；第三，俾班官當波踢，投訴信只在不同部門遊埠。結果， 十之七八肚氣。
傳媒威力在，投訴有聲有畫。部門首長，人要面樹要皮。兼且，若部門有事唔解決，唱到周街知，你上司及上上上司會點睇呢？故此，凡《眼中釘》個案一出，必火速搵掂。由此，招牌變權威。
不過，你知我知，呢類投訴， 必是雞毛蒜皮小事，做得多，晚晚重複，已冇乜吸引性。況且，你可做，個個媒介也可做，並非獨家，冇乜巴閉？故此，最終仍淡出。
不過，《眼中釘》呢種「傳媒監察力」仍長存。呢呢，小弟就正不停被生張熟李要求「仗義執言」。最近一單，有理，即偵查。
幾個月前，居何文田區老友話：「碌Sir，我唔係投訴，我係懇求！懇求房署總部班大哥，周日不用上班，唔該放返商場啲車位出嚟俾公眾用啫！」
有啲咁事？易！立即用兩個周日做偵查。果然，停車場外排大隊，停車場內則不少空位（圖），房署阿哥放假仍霸住晒啲泊位。喂！此非私人「財產」噃，快放返出嚟！
曾智華
「睇唔過眼」的信，雪片飛來！點解？第一，小市民唔識投訴；第二，投訴無門；第三，俾班官當波踢，投訴信只在不同部門遊埠。結果， 十之七八肚氣。
傳媒威力在，投訴有聲有畫。部門首長，人要面樹要皮。兼且，若部門有事唔解決，唱到周街知，你上司及上上上司會點睇呢？故此，凡《眼中釘》個案一出，必火速搵掂。由此，招牌變權威。
不過，你知我知，呢類投訴， 必是雞毛蒜皮小事，做得多，晚晚重複，已冇乜吸引性。況且，你可做，個個媒介也可做，並非獨家，冇乜巴閉？故此，最終仍淡出。
不過，《眼中釘》呢種「傳媒監察力」仍長存。呢呢，小弟就正不停被生張熟李要求「仗義執言」。最近一單，有理，即偵查。
幾個月前，居何文田區老友話：「碌Sir，我唔係投訴，我係懇求！懇求房署總部班大哥，周日不用上班，唔該放返商場啲車位出嚟俾公眾用啫！」
有啲咁事？易！立即用兩個周日做偵查。果然，停車場外排大隊，停車場內則不少空位（圖），房署阿哥放假仍霸住晒啲泊位。喂！此非私人「財產」噃，快放返出嚟！
曾智華
最Hit
31歲前《愛回家》女星嫁國際集團太子爺 性感宣布成功懷孕 移居上海超級豪宅歎世界
2025-06-30 14:37 HKT
七一煙花2025最新消息〡觀賞時間/歷年盛況 附慶回歸優惠+活動
2025-06-30 18:10 HKT
更多文章
