曾智華 - 鋤到甩褲｜祿祿無窮
曾智華
2022-10-18 00:00 HKT
字體大小
各位，今日標題，是否很粗俗？是否與性有關？唔係！
呢句俗語，流行於上世紀七八十年代，完全與性無關，反之，與公眾人物，被密集批評、攻擊及挑戰有關。因為吓吓不留手不留口，故稱之為鋤，即搵中個死穴就狂攻，直至攻陷為止！
香港曾經歷大鳴大放年代，尤其八九十年代開始至早幾年，做官，真係苦過「Dee Dee」，不單被政客鋤，同時，也被傳媒鋤到甩褲。總之，做啱又鋤（因要表示「監察權力」也），做錯，更當然大力鋤鋤鋤！
不過，有咗《國安法》，選舉制度「完善」後，議會玩法唔同晒。政客及傳媒提出的質詢及挑戰，大部份就住就住，更多是隔靴搔癢。在特區做官，幾十年來，從未如此「安全」過。
好嘞，如今想睇將高官鋤到甩褲，有邊度可以睇到呢？
剛剛老友「大F」上周英國公幹，公餘回酒店，最大樂趣，正是收睇發霉首相卓慧思，真真正正，日日畀人鋤到甩褲！
國會內當然唔使講，敵對政客有咁盡去咁盡。就算同事保守黨，私底下一樣如此，因個個認為佢是「陀衰家」也。
至於面對傳媒，更是舖舖似被質食「指天椒」，問題有幾辣出幾辣。事實，如今英國人人當佢沙包，以鬧到佢瞓街以作出氣。無嘞，肯定卓慧思必將是英國歷史上最短命首相。且看這個日落王國，如何走下去了。
曾智華
最Hit
六合彩幸運兒爭少少中二獎 1方法落注350元贏4.7萬 網民力讚不得了｜Juicy叮
2025-09-14 13:15 HKT
打風︱預報有更新！料風暴《施政報告》翌日靠近 天文台調高風力預測 下周或再有？
2025-09-14 13:03 HKT
更多文章
