KellyChu - 卓永興尖沙咀行到長沙灣頻密落區見阻街即罰 ｜Executive日記
KellyChu
2022-10-18 00:00 HKT
字體大小
政務司副司長卓永興上星期三用咗四個半鐘，落區巡視港島東區街道衛生，當日預告四日後嘅星期日，會喺九龍「再嚟一次」。果然，卓副司長言出必行，前日朝早七點半，就喺尖沙咀海防道出發，行到去長沙灣青山道/長發街，巡視咗三個鐘，行咗大概十公里。不過行到去深水埗桂林街嗰陣，卓副司長就發現，一間豬肉鮮魚專門店喺門口行人路擺放貨物，阻礙街道，強調會交畀部門執法處理。食環署就同Kelly講，昨早已經到涉事店舖調查，而且即時發出一千五百元嘅「定額罰款通知書」！
食環署話，昨早到深水埗桂林街涉事店舖調查，其間發現有物品擺放喺舖前行人路，即時向相關違例人士發出一千五百元嘅「定額罰款通知書」。署方亦再次警告附近一帶店舖負責人，唔可以將貨物擺喺行人通道，以保持行人通道暢通。署方強調，一向關注桂林街附近一帶嘅阻街問題，除咗派員加強巡查、進行突擊行動，亦不時同相關政府部門採取聯合執法行動。根據記錄，一月至今，署方喺桂林街附近一帶，就店舖阻街罪行向違例人士合共發出一百七十八張「定額罰款通知書」。署方強調，會留意上址情況，繼續採取嚴厲執法行動。
另外，卓副司長就話，今次落區，時間同行程都同上次視察港島嗰陣一樣，都係保密，確保見到嘅情況，就係巿民平日所見咁樣。
Kelly Chu
■桂林街一間凍肉店涉嫌阻街。
食環署話，昨早到深水埗桂林街涉事店舖調查，其間發現有物品擺放喺舖前行人路，即時向相關違例人士發出一千五百元嘅「定額罰款通知書」。署方亦再次警告附近一帶店舖負責人，唔可以將貨物擺喺行人通道，以保持行人通道暢通。署方強調，一向關注桂林街附近一帶嘅阻街問題，除咗派員加強巡查、進行突擊行動，亦不時同相關政府部門採取聯合執法行動。根據記錄，一月至今，署方喺桂林街附近一帶，就店舖阻街罪行向違例人士合共發出一百七十八張「定額罰款通知書」。署方強調，會留意上址情況，繼續採取嚴厲執法行動。
另外，卓副司長就話，今次落區，時間同行程都同上次視察港島嗰陣一樣，都係保密，確保見到嘅情況，就係巿民平日所見咁樣。
Kelly Chu
最Hit
中年好聲音3丨選手後台互動驚見一人被「排擠」 劉洋斥李金凱侮辱人爆發「衝突」？
2025-05-09 22:00 HKT
44歲女星現身九龍真光中學運動會 美貌達校花級數曾是校隊成員 做一事獲母校用課室命名
2025-05-09 19:55 HKT
結業潮2025｜唔止海皇粥店全線結業 半年13間連鎖食肆關門 過江龍／茶餐廳／太興旗下台菜都捱唔住
2025-05-08 12:12 HKT
張智霖媽媽曹珍妮年輕索爆影片曝光 低胸吊帶女人味爆棚 工展小姐冠軍出身演藝世家
2025-05-08 20:30 HKT
更多文章
