KellyChu - 大同霓虹招牌 或告別高高掛｜Executive日記
KellyChu
2022-09-06 00:00 HKT
字體大小
霓虹招牌係香港嘅特色，好多遊客嚟香港，專程周圍搵打卡。隨着政府收緊法例，近年霓紅招牌愈拆愈少。繼佐敦冠南華會拆咗個大招牌之後，擁有六十年歷史嘅元朗大同老餅家霓虹招牌，亦有可能要同大家告別！
大同老餅家嘅IG話，喺佢地元朗總店外近兩層樓高嘅霓虹招牌，喺屋宇署嘅新規例下面臨拆卸；又話今年中秋過後一至兩個月就會更換，換言之，今年可能係最後一次睇到大同同時掛起中秋牌樓同巨型霓虹招牌。
Kelly就緊係搵老闆了解下啦，老闆謝先生講，收到屋宇署話招牌違例，要求清拆。不過，原來佢哋仲做緊最後嘗試，向署方申請緊保留招牌，雖然佢話不便透露詳情，但小妹見到佢仲有一線生機都好興奮！謝先生話，如果未能保留招牌，會訂製合乎政府標準嘅新招牌作替換，而舊招牌就會嘗試自行保留，或者交畀有心嘅保育機構或者博物館，亦都會適當時間向大家通知，以免大家一窩峰打卡，造成危險。
Kelly Chu
大同老餅家嘅IG話，喺佢地元朗總店外近兩層樓高嘅霓虹招牌，喺屋宇署嘅新規例下面臨拆卸；又話今年中秋過後一至兩個月就會更換，換言之，今年可能係最後一次睇到大同同時掛起中秋牌樓同巨型霓虹招牌。
Kelly就緊係搵老闆了解下啦，老闆謝先生講，收到屋宇署話招牌違例，要求清拆。不過，原來佢哋仲做緊最後嘗試，向署方申請緊保留招牌，雖然佢話不便透露詳情，但小妹見到佢仲有一線生機都好興奮！謝先生話，如果未能保留招牌，會訂製合乎政府標準嘅新招牌作替換，而舊招牌就會嘗試自行保留，或者交畀有心嘅保育機構或者博物館，亦都會適當時間向大家通知，以免大家一窩峰打卡，造成危險。
Kelly Chu
最Hit
更多文章
