曾智華 - 快樂傳媒老是佛｜祿祿無窮
曾智華
2022-08-30 00:00 HKT
字體大小
玩吓玩吓玩出意義！
講乜？正是講小弟十年前與「輝哥」吳錫輝，因為食加喜歡交友，故拉埋一班同是七十年代入行，經歷香港大大小小變遷的傳媒百厭星，組成「快樂傳媒老是佛」，目的在交誼及分享美食。起初，只有八人，每三個月聚一次，去邊度食我決定，輪流做東找數。
過癮在，你找一次數，可食足兩年才再請。
因太好玩，不少傳媒老友也步向退休年齡，要求加入。好！總之啱嘴型，價值觀相若就收。
收下一個收下又一個，去年變成十四個。但不幸今年初，其中一員施永遠，蒙主寵召，上咗天堂。如今變十三位。
每次聚餐，快樂無比。因紅白酒全場灌呀灌之外，當然大爆昔日秘聞。
不少，連我都聞所未聞！大開耳界！
三個月前，大家狂噴口水之際，小弟忽發奇想。我哋所講的，其實不少可以公開分享，實在吸引。不如咁嘞，搞次大型聚會，招攬其他傳媒「中是佛」及「老是佛」聚首一堂開心吓，然後，參加者人人捐一百蚊做善事，咁，就有飲有食有料爆， happy到震，兼人人做善長！
構思講完後，個個卸膊話：「好呀，咁……肥碌你搞晒佢啦！」
頂！搞咪搞！三個月內連搵酒樓、定菜單、做PPT、搵製作助理及收報名，全部一腳踢。九月一日晚，樂富商場「海鱻城」必嘈到拆天！
曾智華
講乜？正是講小弟十年前與「輝哥」吳錫輝，因為食加喜歡交友，故拉埋一班同是七十年代入行，經歷香港大大小小變遷的傳媒百厭星，組成「快樂傳媒老是佛」，目的在交誼及分享美食。起初，只有八人，每三個月聚一次，去邊度食我決定，輪流做東找數。
過癮在，你找一次數，可食足兩年才再請。
因太好玩，不少傳媒老友也步向退休年齡，要求加入。好！總之啱嘴型，價值觀相若就收。
收下一個收下又一個，去年變成十四個。但不幸今年初，其中一員施永遠，蒙主寵召，上咗天堂。如今變十三位。
每次聚餐，快樂無比。因紅白酒全場灌呀灌之外，當然大爆昔日秘聞。
不少，連我都聞所未聞！大開耳界！
三個月前，大家狂噴口水之際，小弟忽發奇想。我哋所講的，其實不少可以公開分享，實在吸引。不如咁嘞，搞次大型聚會，招攬其他傳媒「中是佛」及「老是佛」聚首一堂開心吓，然後，參加者人人捐一百蚊做善事，咁，就有飲有食有料爆， happy到震，兼人人做善長！
構思講完後，個個卸膊話：「好呀，咁……肥碌你搞晒佢啦！」
頂！搞咪搞！三個月內連搵酒樓、定菜單、做PPT、搵製作助理及收報名，全部一腳踢。九月一日晚，樂富商場「海鱻城」必嘈到拆天！
曾智華
最Hit
將軍澳四點金飯店突然結業！貼鳴謝啟事 10字揭真實離場理由 街坊感突然：呢間叫做食得人都摺？
2025-07-01 17:23 HKT
天王60歲單身舊愛一頭銀絲越老越美 曾戀細10年男星被指女尊男卑 傳男方屢偷食致分手
2025-07-01 22:36 HKT
更多文章
