KellyChu - 9月限定 把握機會報名 海洋公園新玩意 做美人魚學保育｜Executive日記
KellyChu
2022-08-15
字體大小
《小美人魚》電影睇得多，不如自己都試下扮美人魚啦！海洋公園將於九月逢周六、日，喺水上樂園搞「人魚水上嘉年華」，Kelly覺得啱晒貪靚一族。
「人魚水上嘉年華」會喺水上樂園「迷失部落」嘅天海灣舉行，旨在透過與人魚相關嘅主題表演和游泳練習，推廣海洋保育。活動包括美人魚水上互動表演，由美人魚舞蹈員帶領來客化身人魚族出演，從中學習海洋保育；另外，參加者仲可以穿上美人魚魚尾裝飾，同有化妝師畫上臉部彩繪，學習美人魚嘅體態及泳姿，體驗做美人魚。
Kelly知道扮美人魚除咗靚，要似人魚，就要用到腹部、背部及臀部肌肉，都係一種運動嚟。
海洋公園同宏利昨日宣佈啟動慈善計劃，後者更會每年派三千張水上樂園公益門票，邀請弱勢社群暢遊水上樂園。來自受助家庭嘅兒童昨日着住單蹼尾鰭，體驗激起浪花，真喺好得意啊！Kelly都要快啲把握時間報名，做條靚靚美人魚，打卡開心share先！
Kelly Chu 
更多文章
