查小欣 - 隱世小店「良順興」｜查乜料
查小欣
2022-07-28 00:00 HKT
字體大小
去大角咀「良順興」開餐，小店一眼望晒，八、九張四人枱。是夜有如中菜阿媽家姐（Omakase），由大廚兼老闆Ken哥和助手武哥發辦，椒鹽魷魚、泰式冰鎮鮑魚、油鹽焗重皮蟹、沙白蘿蔔豆腐湯、水煮安格斯牛肉、熱辣辣蟹膏蟹粥，其中三大至愛：十分邪惡的豬皮炒豬大腸，豬大腸肥美，洗得十分乾淨，微辣，熱辣辣夠鑊氣，好食到停唔到口；招牌菜鍾無艷肉餅——香煎厚肉餅上一半鋪鹹蛋王，另一半鋪炸香瑤柱再灑上白芝麻，入口肉香、蛋香、瑤柱香，層次分明；東星斑兩食，一食用蒜蓉麵豉蒸蒸，惹味，雖然飽到上喉嚨，也忍不住叫了碗白飯撈魚汁，二食椒鹽頭腩，骨脆肉嫩，佐酒名物。
全晚每桌都翻四、五輪枱，外賣一個接一個，甚受街坊歡迎，連小朋友也是熟客，街坊小菜或客飯，每款五、六十元，抵過自己買餸煮，人人食得津津有味。
忍唔住翌晚即興幫襯，沒預訂任何菜式，要了招牌雙酸鱸魚，雙重酸味辣而不嗆，魚肉不散，味道一流，另加肉碎菜脯煎蛋，金黃厚身如pizza，蛋香令人流曬口水。老闆Candy話想食甚麼，只需預先告知，他們便去街市買料，不一定是巴閉大菜，就是一條紅衫魚也可以，有朋友食上癮，為了那煎封紅衫魚頻來光顧。大廚Ken哥不但煮得一手好菜，人又高大又靚仔，來個造型大變身，隨時升呢做靚仔廚神。
查小欣
全晚每桌都翻四、五輪枱，外賣一個接一個，甚受街坊歡迎，連小朋友也是熟客，街坊小菜或客飯，每款五、六十元，抵過自己買餸煮，人人食得津津有味。
忍唔住翌晚即興幫襯，沒預訂任何菜式，要了招牌雙酸鱸魚，雙重酸味辣而不嗆，魚肉不散，味道一流，另加肉碎菜脯煎蛋，金黃厚身如pizza，蛋香令人流曬口水。老闆Candy話想食甚麼，只需預先告知，他們便去街市買料，不一定是巴閉大菜，就是一條紅衫魚也可以，有朋友食上癮，為了那煎封紅衫魚頻來光顧。大廚Ken哥不但煮得一手好菜，人又高大又靚仔，來個造型大變身，隨時升呢做靚仔廚神。
查小欣
最Hit
遊日注意｜旅遊KOL教便利店1招散銀兌紙幣 網民轟做法不妥 日媒呼籲可這樣做…
2025-12-17 18:00 HKT
九巴B1線加推特快班次！天水圍直達落馬洲福田口岸 全程不經元朗 周末、假期早上營運
2025-12-18 17:15 HKT
房間被迫長年做「親戚賓館」 港女1招大反擊阿媽嬲爆 半年後竟有意外收獲｜Juicy叮
2025-12-18 14:12 HKT
更多文章
