KellyChu - 太古城麥記已經重開 《頭條》送優惠券|Executive日記

新冠病毒無孔不入,早前太古城中心麥當勞餐廳有食客確診,即刻關門,並且展開大消毒同大檢測。麥當勞朋友對Kelly講,為咗市民同員工都安心放心,太古城中心麥當勞餐廳做咗三次深層消毒。而衞生防護中心化驗咗環境樣本,結果係陰性。仲有機電工程署測該店嘅換氣量及空氣淨化設備,結果為正常。餐廳所有嘅員工取得陰性核酸檢測報告,亦會定期做快檢。喺多重保障下,餐廳已經重新投入服務。

為咗大家食得開心,麥當勞今日喺《頭條日報》隨報附送喺太古城專用嘅優惠券,指定早餐減三蚊,指定套餐更慳五蚊,有效期一個月,大家路過太古城,記住歎下麥記啦!
Kelly Chu

更多文章