KellyChu - 店外大排長龍等食 群記清湯腩本月結業｜Executive日記
KellyChu
2022-04-20 00:00 HKT
字體大小
作為牛腩狂熱愛好者嘅Kelly，對清湯腩有好高嘅要求，而「群記清湯腩」絕對係小妹心目中嘅心頭好之一，但好可惜店舖今個月就唔做啦。好多網民留言話好唔捨得，哭訴指「世界末日啦，最好食嘅牛腩都無得食」，近日湧去排隊歎最後一碗美味清湯腩。
群記位於大埔，湯底鮮味美，牛腩軟嫩，味道濃郁。大家見佢開咗咁多年都大排長龍，就知唔簡單！不過，店舖喺星期一在社交平台發通告，指店方將於今個月二十九日正式結業，仲話「衷心感謝各界朋友多年支持和愛戴；此刻暫別，後會有期」。小妹打聽到，店方職員話老闆做到手痛，所以停業喎。
大批網民見到帖文，湧入專頁留言，紛紛話「接受唔到」，仲話係「最好食嘅清湯腩」，「幫襯咗多年，好唔捨得」。有人狂問「點解呀」，指「咁好生意都唔做」，真係隔住屏幕都感受到大家有幾傷心。昨日仲有一批市民落住雨，開住遮，排長龍等食清湯腩，人龍長到轉彎，好誇張。
Kelly Chu
群記位於大埔，湯底鮮味美，牛腩軟嫩，味道濃郁。大家見佢開咗咁多年都大排長龍，就知唔簡單！不過，店舖喺星期一在社交平台發通告，指店方將於今個月二十九日正式結業，仲話「衷心感謝各界朋友多年支持和愛戴；此刻暫別，後會有期」。小妹打聽到，店方職員話老闆做到手痛，所以停業喎。
大批網民見到帖文，湧入專頁留言，紛紛話「接受唔到」，仲話係「最好食嘅清湯腩」，「幫襯咗多年，好唔捨得」。有人狂問「點解呀」，指「咁好生意都唔做」，真係隔住屏幕都感受到大家有幾傷心。昨日仲有一批市民落住雨，開住遮，排長龍等食清湯腩，人龍長到轉彎，好誇張。
Kelly Chu
更多文章
