KellyChu - 增60寵物公園 寵物主人齊放電｜Executive日記
KellyChu
2022-04-19 00:00 HKT
字體大小
人類要「放電」，寵物都要。政府宣佈，由周四起將喺全港各區增設逾六十個「寵物共享公園」，總有一個係你左近，屆時寵物主人同「愛寵」出行，一齊跑跑跳跳，放鬆一下！
Kelly成日聽身邊朋友講，屋企嘅「毛孩」活動空間不足，令佢哋無法好好郁動。康文署終於回應市民訴求，宣佈全港各區增設超過六十個「寵物共享公園」，令總數增至超過一百個。小妹睇過個「公園」名單，元朗屏柏里公園 、馬鞍山西沙路花園、黃大仙金鳳街休憩處等都參與其中；據說超過二十個場地位於海濱長廊或附近嘅公園，小妹覺得大家可以同「毛孩」親近海濱，好幸福呀。
康文署話，因應場地實際環境，額外提供基本配套設施，例如狗糞收集箱和洗手設施等，方便市民及其寵物使用，並會加強場地清潔。署方亦會考慮市民對新安排嘅意見，如反應理想，會考慮在將來開放更多的場地讓寵物進入。
Kelly Chu
最Hit
更多文章
