KellyChu - 梁沖曾遭「燉冬菇」 衝突時總督察被轟三槍喪命 涉槍殺上司脫罪 老警長染疫亡｜Executive日記
KellyChu
2022-04-01 00:00 HKT
字體大小
第五波疫情奪去唔少長者嘅性命，近日有一位染疫亡長者，名為梁沖，原來佢係九十年代充滿疑團嘅「警長槍殺上級」案嘅當事人，佢涉嫌槍殺上司後被判無罪，當庭釋放，事件轟動社會！
原為偵緝警長嘅梁沖（圖），被調離刑事單位到軍裝部崗位，即被「燉冬菇」。據指，梁沖多次向上司、總督察梁子龍，要求調返CID，發生多次衝突。結果喺一九九四年五月二日，梁沖衝入梁嘅辦公室，兩人激烈爭吵時，梁胸口被轟三槍，梁沖隨後反鎖自己喺上司嘅辦公室內，三度企圖吞槍自轟，與警員對峙約三個小時後，最終由飛虎隊攻入制服，但梁子龍送院搶救不治。
其後，梁沖被控以謀殺及誤殺罪名，當時主審法官引導陪審團，集中考慮梁沖是否蓄意扣動扳機發射，結果陪審團裁定兩罪均不成立，梁沖獲當庭釋放。
法官引導惹非議
有退休警員認為，當年法官咁樣引導陪審團判被告無罪釋放，對死者有欠公道和合理交代，最少應判誤殺，至今仍覺得裁決「匪夷所思」。
退休高級警司何明新同Kelly講，呢件事當年好轟動，不少同僚都認識梁子龍。雖然不知兩人爭執原因，但認為槍不可能走火，而用槍指人「係唔啱」同犯法嘅。不過，兩人爭吵嘅原因，隨着兩人離世，永遠成為謎團。
Kelly Chu
原為偵緝警長嘅梁沖（圖），被調離刑事單位到軍裝部崗位，即被「燉冬菇」。據指，梁沖多次向上司、總督察梁子龍，要求調返CID，發生多次衝突。結果喺一九九四年五月二日，梁沖衝入梁嘅辦公室，兩人激烈爭吵時，梁胸口被轟三槍，梁沖隨後反鎖自己喺上司嘅辦公室內，三度企圖吞槍自轟，與警員對峙約三個小時後，最終由飛虎隊攻入制服，但梁子龍送院搶救不治。
其後，梁沖被控以謀殺及誤殺罪名，當時主審法官引導陪審團，集中考慮梁沖是否蓄意扣動扳機發射，結果陪審團裁定兩罪均不成立，梁沖獲當庭釋放。
法官引導惹非議
有退休警員認為，當年法官咁樣引導陪審團判被告無罪釋放，對死者有欠公道和合理交代，最少應判誤殺，至今仍覺得裁決「匪夷所思」。
退休高級警司何明新同Kelly講，呢件事當年好轟動，不少同僚都認識梁子龍。雖然不知兩人爭執原因，但認為槍不可能走火，而用槍指人「係唔啱」同犯法嘅。不過，兩人爭吵嘅原因，隨着兩人離世，永遠成為謎團。
Kelly Chu
最Hit
更多文章
