KellyChu - 滙豐推慈善基金助安老殘疾院舍抗疫｜Executive日記
KellyChu
2022-03-28 00:00 HKT
字體大小
護老，人人有責。安老及殘疾院舍喺呢波疫情嘅「重災區」，滙豐銀行慈善基金推出「抗疫物資緊急支援計劃」，期望為六百家安老及殘疾院舍配備足夠醫療和隔離設備，同時聘請臨時員工確保長者及傷健人士獲得適切嘅照顧。計劃亦涵蓋行動不便嘅居家長者及傷健人士，料超過十三點四萬人受惠。
計劃由香港社會服務聯會負責營運，透過主動了解院舍嘅需要，協助聘請臨時人手，並添置包括流動空氣淨化機、氧氣機、快速抗原檢測包等醫療用品，以及清潔和配藥等專業服務。
今年二月，滙豐銀行慈善基金宣佈捐出一億港元抗疫，先後推出「香港紅十字會抗疫同行熱線」及「疫苗易」家居接種計劃。Kelly覺得只要人人出一分力，互相支持，一定可以戰勝疫情。
Kelly Chu
更多文章
