Executive日記｜谷愛凌兩金一銀冬奧大贏家 - KellyChu
KellyChu
2022-02-19 00:00 HKT
字體大小
疫情令人感鬱悶，幸有運動員帶來喜訊。由美國籍轉為代表中國嘅十八歲混血滑雪女將谷愛凌，昨日喺冬奧自由式滑雪女子U形場地技巧決賽，憑首兩輪都跳出超逾九十分高水平演出，以絕對優勢贏得金牌，成為兩金一銀大贏家。Kelly都覺得佢真係好勁，後生可畏。
喺前日預賽中，谷愛凌以首名躋身決賽，而九十分以上嘅選手中只有佢一人。昨日決賽佢第一輪獲九十三點二五分，較最接近嘅力爭衞冕加拿大選手莎庇高超過四分。第二輪賽事，谷愛凌表現更上一層樓，難度加大更騰空達三點九米之高，拿下全場最高嘅九十五點二五分，實力超晒班。最後一輪賽事，即使莎庇分數再度提高，但唔能夠超前下，令谷愛凌喺未進行最後一跳前，已篤定贏金牌。
連同早前喺大跳台奪冠，及坡面障礙技巧賽獲銀，呢位混血美女成為兩金一銀大贏家，更係冬奧史上首位能於一屆賽事，連奪三獎牌嘅自由式滑雪選手。
谷愛凌賽後話太享受呢次奧運之旅了，每次比賽最大目標都係做到自己最好。打破自己界限，依家都達到，感到非常滿意。
Kelly Chu
最Hit
長者群組熱議生果金、長生津「雙糧」即將發放？最多獲派$8,690 即睇3大注意事項免被DQ
2026-05-15 19:07 HKT
優質顧客服務大獎頒獎典禮暨26周年誌慶圓滿舉行 High Tech與High Touch深度融合 AI賦能客服新世代
2026-05-16 10:00 HKT
港人夫婦移居深圳黃貝嶺 慳錢用直通巴分4次「螞蟻搬家」！分享2原因選擇月租¥7,500 Service Apartment
2026-05-16 10:00 HKT
年輕夫婦離家自住 始覺水電費低廉：而家冷氣無熄過 質疑傳統簡約觀念「好陰功」
2026-05-15 17:43 HKT
更多文章
