Executive日記——尖沙咀鐘樓「復活」 重新鳴響為大家報時
KellyChu
2021-12-10 00:00 HKT
字體大小
今年係尖沙咀鐘樓鳴鐘一百周年，喺昨日傍晚六時，相隔七十一年之後，鐘樓再次鳴鐘響起，並且由今日起恢復恒常報時，早上八點到凌晨十二點，每個鐘鳴鐘一次。昨晚錯失機會嘅市民，今日如果路過，不妨駐足留意下！
喺一九一五年建成嘅尖沙咀鐘樓係法定古跡，係當時九廣鐵路火車站一部份。一九二一年開始鳴鐘報時，直至一九五○年停止。民政事務局局長徐英偉出席典禮嗰陣就話，鐘樓陪伴港人走過百年歲月，見證社會進步。當年九廣鐵路火車站，係中國最南嘅車站，亦係內地與香港通關嘅窗口。有到場嘅長者就話，聽到鐘聲，就諗起細嗰陣同屋企人坐火車到廣州，非常感懷！
康文署就話，去年開始，就同英國鐘樓銅鐘鑄造商合作，研究重新報時嘅可能性，但因為鐘樓結構及銅鐘零件嘅限制，暫時唔可以懸掛原本嘅銅鐘，只可以委託銅鐘鑄造商錄製同款鐘聲，再用數碼系統播放，但相信聲效同當年一樣。但署方會積極研究重新懸掛原本嘅銅鐘，但由於涉及古跡保育，會有唔少困難。
Kelly Chu
喺一九一五年建成嘅尖沙咀鐘樓係法定古跡，係當時九廣鐵路火車站一部份。一九二一年開始鳴鐘報時，直至一九五○年停止。民政事務局局長徐英偉出席典禮嗰陣就話，鐘樓陪伴港人走過百年歲月，見證社會進步。當年九廣鐵路火車站，係中國最南嘅車站，亦係內地與香港通關嘅窗口。有到場嘅長者就話，聽到鐘聲，就諗起細嗰陣同屋企人坐火車到廣州，非常感懷！
康文署就話，去年開始，就同英國鐘樓銅鐘鑄造商合作，研究重新報時嘅可能性，但因為鐘樓結構及銅鐘零件嘅限制，暫時唔可以懸掛原本嘅銅鐘，只可以委託銅鐘鑄造商錄製同款鐘聲，再用數碼系統播放，但相信聲效同當年一樣。但署方會積極研究重新懸掛原本嘅銅鐘，但由於涉及古跡保育，會有唔少困難。
Kelly Chu
最Hit
羅家英四度患癌首爆性慾全失逾4年因切走一部位 花光積蓄治病「汪明荃冇幫過手」：佢冇講過要幫
2025-08-01 19:48 HKT
元朗港男八達通慘被盜用 賊人靠一神操作「自動增值」逾百元 再到便利店狂嘟$281｜Juicy叮
2025-08-01 11:34 HKT
出租車司機六合彩「借運」大法 每轉車請客人幫忙做一事後中咗幾次獎 網民：有同事都係咁做中三獎｜Juicy叮
2025-08-01 15:48 HKT
更多文章
