Executive日记——尖沙咀钟楼「复活」 重新鸣响为大家报时
KellyChu
2021-12-10 00:00 HKT
字体大小
今年系尖沙咀钟楼鸣钟一百周年，喺昨日傍晚六时，相隔七十一年之后，钟楼再次鸣钟响起，并且由今日起恢复恒常报时，早上八点到凌晨十二点，每个钟鸣钟一次。昨晚错失机会嘅市民，今日如果路过，不妨驻足留意下！
喺一九一五年建成嘅尖沙咀钟楼系法定古迹，系当时九广铁路火车站一部份。一九二一年开始鸣钟报时，直至一九五○年停止。民政事务局局长徐英伟出席典礼𠮶阵就话，钟楼陪伴港人走过百年岁月，见证社会进步。当年九广铁路火车站，系中国最南嘅车站，亦系内地与香港通关嘅窗口。有到场嘅长者就话，听到钟声，就谂起细𠮶阵同屋企人坐火车到广州，非常感怀！
康文署就话，去年开始，就同英国钟楼铜钟铸造商合作，研究重新报时嘅可能性，但因为钟楼结构及铜钟零件嘅限制，暂时唔可以悬挂原本嘅铜钟，只可以委托铜钟铸造商录制同款钟声，再用数码系统播放，但相信声效同当年一样。但署方会积极研究重新悬挂原本嘅铜钟，但由于涉及古迹保育，会有唔少困难。
Kelly Chu
喺一九一五年建成嘅尖沙咀钟楼系法定古迹，系当时九广铁路火车站一部份。一九二一年开始鸣钟报时，直至一九五○年停止。民政事务局局长徐英伟出席典礼𠮶阵就话，钟楼陪伴港人走过百年岁月，见证社会进步。当年九广铁路火车站，系中国最南嘅车站，亦系内地与香港通关嘅窗口。有到场嘅长者就话，听到钟声，就谂起细𠮶阵同屋企人坐火车到广州，非常感怀！
康文署就话，去年开始，就同英国钟楼铜钟铸造商合作，研究重新报时嘅可能性，但因为钟楼结构及铜钟零件嘅限制，暂时唔可以悬挂原本嘅铜钟，只可以委托铜钟铸造商录制同款钟声，再用数码系统播放，但相信声效同当年一样。但署方会积极研究重新悬挂原本嘅铜钟，但由于涉及古迹保育，会有唔少困难。
Kelly Chu
更多文章
