Executive日記——張家朗衣錦還「校」 獲發250萬獎金
KellyChu
2021-12-09 08:17 HKT
字體大小
「劍神」張家朗摘下東京奧運一面金牌，全城鼓舞！佢昨日衣錦還「校」，返回母校林大輝中學出席頒獎典禮，獲逾二百五十萬元獎金，校方特別將佢在學時嘅課室命名為「張家朗課室」，係繼「師兄」世界單車冠軍郭灝霆、港隊乒乓「一哥」黃鎮廷後，第三位留名母校嘅校友。
林大輝中學舉行「傑出運動員獎勵計劃」頒獎典禮，同時有「張家朗課室」揭幕儀式，一眾校友港隊代表獲頒發獎金，其中張家朗以奧運金牌與團體賽第七名嘅佳績，獲頒逾二百五十萬元獎金。校監林大輝話，多年嚟有好多學生為體育生涯奮鬥，佢對此感到自豪，話體育發展不進則退，希望政府持續大力支持，以免今日嘅成果成曇花一現。家朗感謝校方支持，將親筆簽名嘅戰衣送贈母校，又勉勵師弟妹，「大家有睇八強我落後好多，但未去到最後一刻，未知輸贏，大家都要堅持努力。」
再次踏入校園嘅家朗發現，學校有不少轉變，好似增添咗足球場等，佢形容時間過得好快，畢業就好似昨天嘅事。對於校監林大輝曾揚言若學生奪得奧運獎牌會「包做業主」，家朗就話當時不在場，唔清楚咁話，又話目前專注比賽，暫時儲起獎金。而另一校友、年僅二十歲嘅全運會單車公路賽冠軍李思穎亦獲頒二十萬元獎金。
至於同為林大輝中學校友、奧運空手道銅牌得主劉慕裳，亦獲母校頒發六十二萬五千元獎金，同時佢在學時嘅課室亦會以佢為名，不過，校方同Kelly講，因為Grace宜家唔喺香港，惟有等佢返到香港再進行命名儀式！
Kelly Chu
林大輝中學舉行「傑出運動員獎勵計劃」頒獎典禮，同時有「張家朗課室」揭幕儀式，一眾校友港隊代表獲頒發獎金，其中張家朗以奧運金牌與團體賽第七名嘅佳績，獲頒逾二百五十萬元獎金。校監林大輝話，多年嚟有好多學生為體育生涯奮鬥，佢對此感到自豪，話體育發展不進則退，希望政府持續大力支持，以免今日嘅成果成曇花一現。家朗感謝校方支持，將親筆簽名嘅戰衣送贈母校，又勉勵師弟妹，「大家有睇八強我落後好多，但未去到最後一刻，未知輸贏，大家都要堅持努力。」
再次踏入校園嘅家朗發現，學校有不少轉變，好似增添咗足球場等，佢形容時間過得好快，畢業就好似昨天嘅事。對於校監林大輝曾揚言若學生奪得奧運獎牌會「包做業主」，家朗就話當時不在場，唔清楚咁話，又話目前專注比賽，暫時儲起獎金。而另一校友、年僅二十歲嘅全運會單車公路賽冠軍李思穎亦獲頒二十萬元獎金。
至於同為林大輝中學校友、奧運空手道銅牌得主劉慕裳，亦獲母校頒發六十二萬五千元獎金，同時佢在學時嘅課室亦會以佢為名，不過，校方同Kelly講，因為Grace宜家唔喺香港，惟有等佢返到香港再進行命名儀式！
Kelly Chu
最Hit
中年好聲音3丨選手後台互動驚見一人被「排擠」 劉洋斥李金凱侮辱人爆發「衝突」？
2025-05-09 22:00 HKT
44歲女星現身九龍真光中學運動會 美貌達校花級數曾是校隊成員 做一事獲母校用課室命名
2025-05-09 19:55 HKT
結業潮2025｜唔止海皇粥店全線結業 半年13間連鎖食肆關門 過江龍／茶餐廳／太興旗下台菜都捱唔住
2025-05-08 12:12 HKT
張智霖媽媽曹珍妮年輕索爆影片曝光 低胸吊帶女人味爆棚 工展小姐冠軍出身演藝世家
2025-05-08 20:30 HKT
中年好聲音3丨占士丁丁父母赴港撐仔家庭照曝光 音樂人老竇後生勁有型 疫情返英投靠家人
2025-05-09 17:30 HKT
更多文章
