Executive日記——林鄭唔識得MIRROR
KellyChu
2021-10-08 04:18 HKT
字體大小
男團「MIRROR」好紅，但特首林鄭月娥直言「唔識」佢哋。對於日後特區政府設立文化局，會唔會好似內地咁規管「娘炮」藝人，佢就話香港實行一國兩制，如果無違法，一定可以多元發展。
林鄭發表咗《施政報告》後，昨早出席電台節目解畫，有主持人形容香港人情緒鬱悶，但有男團冒起帶嚟唔少歡樂，問林鄭有沒留意本地嘅男團，林鄭好直接答「唔識」。之後主持人再問將來設立文化局，會唔會跟隨內地咁規限「娘炮」（意指喺某些方面女性化嘅男性）藝人，林鄭話，香港實行「一國兩制」，中央亦支持特區施政，如果有文化事業「踩界」，觸及《國安法》等法例，當局會採取行動，如果冇「踩界」，一定保證多元發展。
另外，保險界議員陳健波就喺立法會《施政報告》答問會上批評，政府嘅中文水平低，唔少市民反映政府文件嘅中文行文複雜，部份似係英文直譯，好似法律條文咁冗長，好難理解。林鄭回應時形容官員「一把年紀」，重新學習有難度。佢承認文宣工作係政府弱項，希望團隊「多睇書」，仲話會要求公務員事務局長聶德權把中文課程加入公務員學院。
Kelly Chu
林鄭發表咗《施政報告》後，昨早出席電台節目解畫，有主持人形容香港人情緒鬱悶，但有男團冒起帶嚟唔少歡樂，問林鄭有沒留意本地嘅男團，林鄭好直接答「唔識」。之後主持人再問將來設立文化局，會唔會跟隨內地咁規限「娘炮」（意指喺某些方面女性化嘅男性）藝人，林鄭話，香港實行「一國兩制」，中央亦支持特區施政，如果有文化事業「踩界」，觸及《國安法》等法例，當局會採取行動，如果冇「踩界」，一定保證多元發展。
另外，保險界議員陳健波就喺立法會《施政報告》答問會上批評，政府嘅中文水平低，唔少市民反映政府文件嘅中文行文複雜，部份似係英文直譯，好似法律條文咁冗長，好難理解。林鄭回應時形容官員「一把年紀」，重新學習有難度。佢承認文宣工作係政府弱項，希望團隊「多睇書」，仲話會要求公務員事務局長聶德權把中文課程加入公務員學院。
Kelly Chu
最Hit
優質顧客服務大獎頒獎典禮暨26周年誌慶圓滿舉行 High Tech與High Touch深度融合 AI賦能客服新世代
2026-05-16 10:00 HKT
長者群組熱議生果金、長生津「雙糧」即將發放？最多獲派$8,690 即睇3大注意事項免被DQ
2026-05-15 19:07 HKT
國宴列席馬斯克及庫克中間 「玻璃女王」周群飛作風低調 工廠妹創出2000億王國
2026-05-16 18:03 HKT
年輕夫婦離家自住 始覺水電費低廉：而家冷氣無熄過 質疑傳統簡約觀念「好陰功」
2026-05-15 17:43 HKT
更多文章
