Executive日記——M+博物館11月中開幕 港人全年免費觀展
KellyChu
2021-09-09 04:17 HKT
字體大小
香港世界級嘅視覺藝術基建—M+博物館，定於十一月十二日正式開放畀公眾觀賞，Kelly第一個反應係開心到飛起，事關小妹最鍾意睇美麗嘅事物，更加開心嘅係，由開幕日起計嘅十二個月內，持有效身份證嘅港人都可以免費參觀M+展廳嘅展覽。
M+博物館外型係一幅巨型LED牆，Kelly見過佢夜晚亮燈，七彩繽紛，燃起成個維港海面都係色彩，真係好靚。呢個全亞洲首間全球性當代視覺文化博物館將於十一月十二日正式開放予公眾參觀，前一日即四條一舉行開幕儀式，並會邀請媒體參觀，展示來自香港、大中華地區、亞洲以及世界各地嘅館藏，當中包括視覺藝術、設計及建築，以及流動影像。
藝術愛好者嘅好消息，係從開幕日計起十二個月內，持有效身份證明文件嘅香港居民可免費參觀展覽，大家慢慢等，等到有好啱口味嘅展品先去行下，而且長睇長有，因為來自M+嘅藏品系列約有一千五百件咁多，將喺博物館約一萬七千平方米嘅展覽空間展出，包括三十三個展廳同其他展覽空間。
大家去M+，記住睇埋佢嘅建築，M+大樓採用陶瓦覆蓋縱向大樓，其南面外牆設有多用途LED顯示系統，用於展示與M+有關嘅各種內容。位於M+大樓地庫二層、沿着地下鐵路隧道走線開鑿而成嘅「潛空間」，係M+最具特色嘅展示空間，將用於展出大型裝置作品。M+將於開放後首三個周末舉辦一系列特別慶祝活動，為博物館揭開序幕。屆時將有現場展演、講座、導賞團、工作坊、放映會和線上活動。
Kelly Chu
■博物館大樓旋轉樓梯。 資料圖片
M+博物館外型係一幅巨型LED牆，Kelly見過佢夜晚亮燈，七彩繽紛，燃起成個維港海面都係色彩，真係好靚。呢個全亞洲首間全球性當代視覺文化博物館將於十一月十二日正式開放予公眾參觀，前一日即四條一舉行開幕儀式，並會邀請媒體參觀，展示來自香港、大中華地區、亞洲以及世界各地嘅館藏，當中包括視覺藝術、設計及建築，以及流動影像。
藝術愛好者嘅好消息，係從開幕日計起十二個月內，持有效身份證明文件嘅香港居民可免費參觀展覽，大家慢慢等，等到有好啱口味嘅展品先去行下，而且長睇長有，因為來自M+嘅藏品系列約有一千五百件咁多，將喺博物館約一萬七千平方米嘅展覽空間展出，包括三十三個展廳同其他展覽空間。
大家去M+，記住睇埋佢嘅建築，M+大樓採用陶瓦覆蓋縱向大樓，其南面外牆設有多用途LED顯示系統，用於展示與M+有關嘅各種內容。位於M+大樓地庫二層、沿着地下鐵路隧道走線開鑿而成嘅「潛空間」，係M+最具特色嘅展示空間，將用於展出大型裝置作品。M+將於開放後首三個周末舉辦一系列特別慶祝活動，為博物館揭開序幕。屆時將有現場展演、講座、導賞團、工作坊、放映會和線上活動。
Kelly Chu
最Hit
更多文章
