Executive日記——香港詩人蔡炎培逝世 一生八段情成創作動力
KellyChu
2021-09-07 04:16 HKT
字體大小
文青朋友昨天一早告之，香港詩人蔡炎培去世，享年八十六歲。呢位詩人一生創作了五百多首詩，既寫愛情與生活，也流露對家國社會事嘅關懷，但Kelly最迷佢嘅情詩，喺二○一八年香港電台製作華人作家系列蔡炎培嘅章節中，就以《最後的情詩》為題，反映佢嘅作品充滿慾望與愛情。
蔡炎培八十多年嘅人生中，曾深愛過八名女士，仲話女性係佢創作嘅原動力，而每一位愛人都係重要嘅，無佢哋就沒有佢嘅文學成就，「寫詩是自我生命的完成，是釋放自己，是見失散的要人。」呢番說話，令Kelly想起西班牙畫家畢加索，佢亦喺人生中結交不同女士，而每一次戀愛都觸發佢開創不同時期嘅畫風，可謂同蔡炎培一樣，由愛情驅使創作嘅好例子。Kelly就以詩人的《農院小夜曲》（1958）最尾三句，悼這名情種詩人：「……悄悄走過你幽夜的窗前 讓一片新來的葉子 輕輕負載我們的名字」。
Kelly Chu
蔡炎培八十多年嘅人生中，曾深愛過八名女士，仲話女性係佢創作嘅原動力，而每一位愛人都係重要嘅，無佢哋就沒有佢嘅文學成就，「寫詩是自我生命的完成，是釋放自己，是見失散的要人。」呢番說話，令Kelly想起西班牙畫家畢加索，佢亦喺人生中結交不同女士，而每一次戀愛都觸發佢開創不同時期嘅畫風，可謂同蔡炎培一樣，由愛情驅使創作嘅好例子。Kelly就以詩人的《農院小夜曲》（1958）最尾三句，悼這名情種詩人：「……悄悄走過你幽夜的窗前 讓一片新來的葉子 輕輕負載我們的名字」。
Kelly Chu
最Hit
更多文章
