Executive日記——影帝梁朝偉 愛滑水玩帆船
KellyChu
2021-08-14 04:18 HKT
字體大小
影帝梁朝偉畀人文質彬彬嘅感覺，原來佢係運動健將。佢昨日罕有出席運動博覽，仲大談好鍾意做運動，特別係一個人可玩嘅帆船同滑水等。Kelly記得佢喺一八年曾參加喺維港舉行嘅帆船賽，仲勇奪亞軍，可謂真人不露相。
梁朝偉係青少年運動基金嘅贊助人之一，佢透露鍾意做運動係有助平靜自己，有時佢拍戲連踩十八小時，發覺做運動可幫佢冇咁疲憊，仲可以保持健康；佢特別喜歡海洋，香港好適合滑水，又會參加帆船、單車等。佢話每日都做運動，如果天氣好便去滑水，有風就玩帆船。
佢建議年輕人嘗試接觸運動，搵適合自己嘅運動，「我鍾意一個人，踢波就唔太啱，鍾意一個人滑水，一個人玩帆船。」笑言運動已成為生活習慣。剛過去嘅奧運成為港人熱話，但梁朝偉原來冇睇過，因為「唔敢睇」，好驚鍾意嗰隊或人輸咗，會影響心情。難得影帝現身，唔少人都覺驚喜，其中熱愛運動嘅傳訊公司董事總經理張樹槐，喺社交專頁話驚喜與影帝碰頭，少不免要「集郵」一下；羽毛球運動員葉姵延都笑住同影帝合照。運動博覽由昨天起一連三日喺九展舉行，會開辦多場體驗班及分享會。
Kelly Chu
梁朝偉係青少年運動基金嘅贊助人之一，佢透露鍾意做運動係有助平靜自己，有時佢拍戲連踩十八小時，發覺做運動可幫佢冇咁疲憊，仲可以保持健康；佢特別喜歡海洋，香港好適合滑水，又會參加帆船、單車等。佢話每日都做運動，如果天氣好便去滑水，有風就玩帆船。
佢建議年輕人嘗試接觸運動，搵適合自己嘅運動，「我鍾意一個人，踢波就唔太啱，鍾意一個人滑水，一個人玩帆船。」笑言運動已成為生活習慣。剛過去嘅奧運成為港人熱話，但梁朝偉原來冇睇過，因為「唔敢睇」，好驚鍾意嗰隊或人輸咗，會影響心情。難得影帝現身，唔少人都覺驚喜，其中熱愛運動嘅傳訊公司董事總經理張樹槐，喺社交專頁話驚喜與影帝碰頭，少不免要「集郵」一下；羽毛球運動員葉姵延都笑住同影帝合照。運動博覽由昨天起一連三日喺九展舉行，會開辦多場體驗班及分享會。
Kelly Chu
最Hit
高鐵大環線「深圳北至深圳北」7月1日開通！巨型版「山手線」全程5小時 途經惠州/潮州/河源
2025-06-22 10:00 HKT
56歲視帝猛料舊愛非洲Busking 竟被嘲得一首代表作唱足32年：本尊唱得好過原唱
2025-06-22 11:00 HKT
息影女星為70歲富媽媽豪擺壽宴 五星級酒店筵開多席 切七層高蛋糕派頭十足
2025-06-21 18:00 HKT
更多文章
