Executive日記——感謝醫生治膝傷 女劍神挺中大運動醫學日
KellyChu
2021-08-11 04:18 HKT
字體大小
女劍神江旻憓勇戰奧運會，表現出色，粉絲人數激增，原來佢去受訓同比賽，經常受傷，佢噚日就公開醫好膝頭一事，真係我見猶憐，反映運動員長期受訓，刻苦滋味，不足外人道，所以話，不論喺奧運會上有無牌都好，代表香港出征東京奧運會嘅四十六名精英運動員，都係香港嘅英雄。
江旻憓喺IG登出兩張新相，一係佢瞓喺病牀上，另一張係佢好開心同Dr. Yung合照，醫生仲指住佢膝頭，應該係好返出院時影相留念。笑容甜美嘅江旻憓話，佢同醫生好自豪咁介紹，膝頭完全康服，仲多謝Dr. Yung照顧運動員嘅骨骼。江旻憓唔止表示謝意，仲乘機呼籲大家支持呢個月二十一同二十二日喺香港中文大學鄭裕彤樓舉行嘅「中大運動醫學日」，話有多個運動與健康講座，由運動醫學專家同星級講者跟大家分享運動及健康相關嘅知識。場地仲會設攤位展覽同運動試玩，亦有最受歡迎嘅運動體驗班。
江旻憓仲提醒大家，「肌」不可失啊！好搞笑。好多網友讚佢好有心，仲關心佢，叫小妮子好好休息，繼續加油。
Kelly Chu
■江旻憓出院時，再同Dr. Yung合照留念。
江旻憓喺IG登出兩張新相，一係佢瞓喺病牀上，另一張係佢好開心同Dr. Yung合照，醫生仲指住佢膝頭，應該係好返出院時影相留念。笑容甜美嘅江旻憓話，佢同醫生好自豪咁介紹，膝頭完全康服，仲多謝Dr. Yung照顧運動員嘅骨骼。江旻憓唔止表示謝意，仲乘機呼籲大家支持呢個月二十一同二十二日喺香港中文大學鄭裕彤樓舉行嘅「中大運動醫學日」，話有多個運動與健康講座，由運動醫學專家同星級講者跟大家分享運動及健康相關嘅知識。場地仲會設攤位展覽同運動試玩，亦有最受歡迎嘅運動體驗班。
江旻憓仲提醒大家，「肌」不可失啊！好搞笑。好多網友讚佢好有心，仲關心佢，叫小妮子好好休息，繼續加油。
Kelly Chu
最Hit
長生津覆檢開始！長者注意紫色通知書 未如期申報或被暫停津貼（ 附最新資產限額＋填表須知）
2026-04-03 19:21 HKT
在職家庭津貼2026/27｜4月上調入息資產限額 申請資格/津貼金額/一次性額外款項一文睇清
2026-04-04 11:53 HKT
西貢區議員發現將軍澳居民「小福利」？深夜搭港鐵仍有列車服務 街坊網民解構出於1原因
2026-04-04 11:00 HKT
更多文章
