Executive日記——願望成真基金賣旗 迪士尼公主傳遞愛
KellyChu
2021-07-09 04:18 HKT
字體大小
近日天氣都幾熱，但無阻一班有心人喺明天（周六）賣旗，傳送愛心。願望成真基金明天舉行港島區賣旗日，為實現患重病兒童嘅願望而籌款，Kelly都會參予埋一份，會喺西環寶翠園港鐵站口賣旗，希望大家明日早上路過，嚟幫我買一張好靚嘅迪士尼公主旗仔吖。願望成真基金呢一次賣旗活動，再次得到華特迪士尼（香港）有限公司嘅愛心支持，以十二位迪士尼公主（白雪公主、灰姑娘、睡公主、艾利奧、貝兒、茉莉公主、寶嘉康蒂、花木蘭、蒂安娜、長髮公主樂佩、梅莉達及慕安娜）設計咗別出心裁嘅旗紙，願望成真基金希望透過迪士尼公主所展現出嘅善良、果敢，啟發病童以正面樂觀的態度、堅毅面對病情！
呢次咁有意義嘅賣旗，得到願望成真基金大使陳柏宇同佢女兒Abi（見圖）支持，兩人首次同場參與慈善活動嘅宣傳，真係好有心又sweet。另外，除咗賣旗日當天，基金更亦會推出一系列以迪士尼公主可愛造型嘅精美紀念品，請大家留意基金嘅社交平台！
Kelly Chu
呢次咁有意義嘅賣旗，得到願望成真基金大使陳柏宇同佢女兒Abi（見圖）支持，兩人首次同場參與慈善活動嘅宣傳，真係好有心又sweet。另外，除咗賣旗日當天，基金更亦會推出一系列以迪士尼公主可愛造型嘅精美紀念品，請大家留意基金嘅社交平台！
Kelly Chu
更多文章
