Executive日記——西瓜節推本地有機環保種植 「黑美人168」超甜齒頰留香

  炎炎夏日,唔少人好似Kelly咁,好想食西瓜消暑。一年一度嘅有機西瓜節昨日開始,漁農署推介本地種植嘅四個特色品種,包括新登場嘅無籽西瓜品種「無籽3F-2728」、同埋味道較清甜又齒頰留香嘅「超甜黑美人168」,署方話今年收成理想,到咗收成期,啱晒一家大細一齊食。
  漁護署自〇七年起,每年夏天都舉辦有機西瓜節,推介本地有機環保嘅方法種植嘅西瓜。今年推介四個特色西瓜品種,包括新推介嘅無籽西瓜品種「無籽3F-2728」、果肉呈橙黃色嘅「哈蜜」、果皮鮮黃帶斑條嘅「黛安娜」,同埋果肉鮮紅嘅「超甜黑美人168」,有農民分享,本地有機耕作西瓜採取自然種植,味道一般比較清甜,會有齒頰留香嘅觸感,Kelly都好想即刻食呀!
  漁護署農業主任(園藝)王敏維同Kelly講,今年四、五月天氣晴朗、而且少雨,西瓜收成比往年理想,亦更早到達收成期,市民現時已可購買上述特色品種。由於本地有機西瓜及時令蔬果供應期有限,署方呼籲大家欲購從速。大家都一齊支持下本地農墟!
Kelly Chu



更多文章