Executive日記——開記者會焗得滯 陳帆除罩唞氣
KellyChu
2021-07-07 04:17 HKT
字體大小
天氣酷熱，戴口罩講嘢，Kelly罩後成日流到一臉汗。昨天運房局開記者會，講劏房租金，局長陳帆講到一半，突然除咗個口罩，用手揸住，擋住塊面，唞咗一陣氣，其後戴返，但都要咳幾聲，真係辛苦晒。
陳帆局長開記者會時，唔知係唔係因為講劏房，或者諗起劏房又熱又焗，加上記者會時間又長，都成九十分鐘，成日聯想起劏房嘅翳焗環境，熱到要除咗個口罩，但局長好有防疫意識，無將口罩放喺枱面上，而係好似參加面具舞會咁，手持口罩，放係自己面前。
局長個口罩除咗三分鐘就戴返，但Kelly擔心局長健康，事關局長之後都有少少咳，但局長新聞秘書話，局長身體健康，只係記者會時間長，局長講到太焗，多謝大家關心。Kelly建議局長，下次返工或者再開記者會，可以拎埋把風扇仔，或者開大啲冷氣，吹住自己，咁就唔會因為翳焗而要除低口罩啦。
Kelly Chu
陳帆局長開記者會時，唔知係唔係因為講劏房，或者諗起劏房又熱又焗，加上記者會時間又長，都成九十分鐘，成日聯想起劏房嘅翳焗環境，熱到要除咗個口罩，但局長好有防疫意識，無將口罩放喺枱面上，而係好似參加面具舞會咁，手持口罩，放係自己面前。
局長個口罩除咗三分鐘就戴返，但Kelly擔心局長健康，事關局長之後都有少少咳，但局長新聞秘書話，局長身體健康，只係記者會時間長，局長講到太焗，多謝大家關心。Kelly建議局長，下次返工或者再開記者會，可以拎埋把風扇仔，或者開大啲冷氣，吹住自己，咁就唔會因為翳焗而要除低口罩啦。
Kelly Chu
最Hit
更多文章
