Executive日記——布氏鯨游近香港 專家提醒「請勿騷擾」
KellyChu
2021-07-03 04:17 HKT
字體大小
有網友喺深圳大鵬新區近海，連續兩日發現有布氏鯨出沒。大鵬灣位於香港東北方，屬香港與內地共享嘅海灣，海洋公園保育基金朋友同Kelly講，呢種珍貴嘅布氏鯨，好少喺呢個範圍出沒，唔排除有機會游近香港，如果咁好彩見到佢哋，千祈唔好騷擾佢哋。
當地專家話，近年大鵬海域海洋保護成效顯著，依家係休漁期，該鯨魚應該係一路追趕魚群，先會誤入呢片海域。大鵬灣西面和南面分別為香港嘅吉澳及西貢半島，北面及東面則由深圳的鹽田、大鵬及南澳包圍。
深圳市藍色海洋環境保護協會執行秘書長馬海鵬同當地傳媒講，影片中的鯨魚應該喺布氏鯨，約八至九米長，看來健康良好。根據《中國鯨類》記載，布氏鯨曾經出沒粵東及香港海域。海洋公園保育基金朋友同Kelly講，布氏鯨習慣暖流地方，台灣澎湖都發現布氏鯨出沒，而香港喺一六年都發現布氏鯨擱淺。
Kelly知道，近年唔少罕見嘅海洋生物例如白海豚，都頻頻嚟到大鵬灣同香港海域。如果大家發現呢啲珍貴嘅海洋生物，記得唔好製造嘈音同騷擾佢哋，船隻要收油唔好撞到佢哋，希望大家愛護環境，咁先有機會繼續睇到呢啲珍貴布氏鯨。
Kelly Chu
當地專家話，近年大鵬海域海洋保護成效顯著，依家係休漁期，該鯨魚應該係一路追趕魚群，先會誤入呢片海域。大鵬灣西面和南面分別為香港嘅吉澳及西貢半島，北面及東面則由深圳的鹽田、大鵬及南澳包圍。
深圳市藍色海洋環境保護協會執行秘書長馬海鵬同當地傳媒講，影片中的鯨魚應該喺布氏鯨，約八至九米長，看來健康良好。根據《中國鯨類》記載，布氏鯨曾經出沒粵東及香港海域。海洋公園保育基金朋友同Kelly講，布氏鯨習慣暖流地方，台灣澎湖都發現布氏鯨出沒，而香港喺一六年都發現布氏鯨擱淺。
Kelly知道，近年唔少罕見嘅海洋生物例如白海豚，都頻頻嚟到大鵬灣同香港海域。如果大家發現呢啲珍貴嘅海洋生物，記得唔好製造嘈音同騷擾佢哋，船隻要收油唔好撞到佢哋，希望大家愛護環境，咁先有機會繼續睇到呢啲珍貴布氏鯨。
Kelly Chu
更多文章
