Executive日記——「中國共產黨百周年」紀念郵票有炒價
KellyChu
2021-07-02 04:19 HKT
字體大小
噚日七‧一，係中國共產黨成立一百周年，亦係香港回歸嘅紀念日，香港郵政發行以「中國共產黨成立一百周年」為題嘅紀念郵票及相關郵品，各郵局一早排長龍，有集郵迷話排咗一個鐘就售罄，好彩買到。Kelly發現網上出現炒風，原價三百九十蚊嘅版票，有人索價一千五百蚊。
幾個集郵迷都向Kelly報料，話幾個郵局噚日一早大排長龍，佢哋知好多人想要「中國共產黨成立一百周年」嘅紀念郵票，所以瞓少啲都一早去，排個幾鐘，終於買到心頭好，之後好快就賣晒啦。二手拍賣網站出現炒風。Kelly見原價二十蚊嘅首日封，有人開價二百蚊，而原價三百九十蚊嘅版票，有人索價一千五百蚊。
香港郵政話，首日封用咗明亮色彩，以煙花圖案做點綴，營造出歡欣喜慶嘅氛圍，亦象徵香港慶祝中國共產黨成立一百周年；套摺就收錄一套四枚紀念郵票，同埋一張郵票小型張，封面繪有多個北京同香港嘅地標剪影，例如北京天壇、香港會議展覽中心等。
Kelly Chu
網上開價$200
幾個集郵迷都向Kelly報料，話幾個郵局噚日一早大排長龍，佢哋知好多人想要「中國共產黨成立一百周年」嘅紀念郵票，所以瞓少啲都一早去，排個幾鐘，終於買到心頭好，之後好快就賣晒啦。二手拍賣網站出現炒風。Kelly見原價二十蚊嘅首日封，有人開價二百蚊，而原價三百九十蚊嘅版票，有人索價一千五百蚊。
香港郵政話，首日封用咗明亮色彩，以煙花圖案做點綴，營造出歡欣喜慶嘅氛圍，亦象徵香港慶祝中國共產黨成立一百周年；套摺就收錄一套四枚紀念郵票，同埋一張郵票小型張，封面繪有多個北京同香港嘅地標剪影，例如北京天壇、香港會議展覽中心等。
Kelly Chu
更多文章
