Executive日記——會展送多份獎品谷針 全年免費歎自助晚餐
KellyChu
2021-06-30 04:17 HKT
字體大小
Kelly真係覺得商界好有心，為咗谷針，有集團送樓，有公司送金，大抽獎多籮籮，有啲獎品唔算免費，但好有創意。最新一份，來自香港會議展覽中心（管理）有限公司，佢哋為咗鼓勵市民盡快接種新冠疫苗，將送出多份獎品，包括全年免費去會展中心食自助晚餐。
灣仔會展中心入面嘅薈景自助晚餐好出名，食材新鮮，款式多，Kelly經常去歎下。會展管理公司就送出全年免費任食自助晚餐及餐飲禮券，總值超過港幣五十萬元，鍾意食自助餐嘅朋友就快啲打針，中咗獎就可以歎一年。
有關計劃預計於七月內接受登記，已完成接種兩劑疫苗的本港市民，可於截止日期八月三十一日或之前登記參加。計劃詳情將稍後公佈。會展管理公司朋友話，今次抽獎，係鼓勵市民盡早接種疫苗，為香港建立保護屏障，讓社會早日回復常態。
Kelly Chu
灣仔會展中心入面嘅薈景自助晚餐好出名，食材新鮮，款式多，Kelly經常去歎下。會展管理公司就送出全年免費任食自助晚餐及餐飲禮券，總值超過港幣五十萬元，鍾意食自助餐嘅朋友就快啲打針，中咗獎就可以歎一年。
有關計劃預計於七月內接受登記，已完成接種兩劑疫苗的本港市民，可於截止日期八月三十一日或之前登記參加。計劃詳情將稍後公佈。會展管理公司朋友話，今次抽獎，係鼓勵市民盡早接種疫苗，為香港建立保護屏障，讓社會早日回復常態。
Kelly Chu
更多文章
