Executive日記——馬會招募年滿15歲新血 見習女學員勇追騎師夢
KellyChu
2021-06-28 04:16 HKT
字體大小
中學文憑試下個月放榜，現今社會，條條大路通羅馬。馬會為咗培育本地賽馬人才，招募新一屆「賽事見習學員」，年滿十五歲、熱愛體育運動嘅青少年，係一個好機會，除咗有機會成為騎師之外，仲可以成為獸醫事務技術員或者賽事見習行政助理等，喺台前幕後發光發亮。
二十二歲嘅黃寶妮，喺一六年成為賽事見習學員，喺馬場參加過四十一次試閘，正等緊去澳洲接受海外培訓。佢話：「女仔體能一般不及男仔，但不要被呢個框框局限自己」，佢會額外操練，希望追及男生嘅水平。寶妮同Kelly講，希望以自己嘅經驗，勉勵女孩子勇敢追夢。
二十一歲嘅黎彥麟一八年成為賽事見習學員，受訓期間作息同以前好唔同，「以前係夜晚十一、二時先上牀睡覺，依家凌晨三時半起身，喺馬房照顧馬匹及學騎馬」，佢咬緊牙關撐落去，終於成功克服，立志成為見習騎師，策馬奔馳。呢次招募由即日起至下個月三十日，基礎課程為期九個月，其後再按學員表現，決定發展嘅路向。策騎員需受訓約三年，而見習騎師則要大約七年。
Kelly Chu
二十二歲嘅黃寶妮，喺一六年成為賽事見習學員，喺馬場參加過四十一次試閘，正等緊去澳洲接受海外培訓。佢話：「女仔體能一般不及男仔，但不要被呢個框框局限自己」，佢會額外操練，希望追及男生嘅水平。寶妮同Kelly講，希望以自己嘅經驗，勉勵女孩子勇敢追夢。
二十一歲嘅黎彥麟一八年成為賽事見習學員，受訓期間作息同以前好唔同，「以前係夜晚十一、二時先上牀睡覺，依家凌晨三時半起身，喺馬房照顧馬匹及學騎馬」，佢咬緊牙關撐落去，終於成功克服，立志成為見習騎師，策馬奔馳。呢次招募由即日起至下個月三十日，基礎課程為期九個月，其後再按學員表現，決定發展嘅路向。策騎員需受訓約三年，而見習騎師則要大約七年。
Kelly Chu
更多文章
