Executive日記——「AO歌王」獻唱 首首經典 「尋找你我他的皇都」
KellyChu
2021-06-02 04:17 HKT
字體大小
金曲網上播放\
有六十八年歷史嘅北角皇都戲院，即將展開復修活化工程，由新世界發展行政總裁鄭志剛創辦嘅非牟利機構Culture for Tomorrow，喺工程前趁機舉辦一場名為「尋找你我他的皇都」嘅歷史體驗活動，請嚟「AO歌王」楊立門獻唱金曲，以歌聲緬懷皇都歷史，大家想聽靚歌，可以上網睇。
皇都戲院（前稱璇宮）喺五十、六十年代曾舉辦唔少殿堂級中西音樂表演，活動特意喺戲院商場內搭建小舞台供歌手表演，同時贊助受疫情影響嘅音樂人演出。
「神探輝」鋼琴伴奏
其中一場重量級表演，由有「AO歌王」之稱嘅前發展局常任秘書長楊立門，獻唱The Beatles嘅《Let It Be》、陳百強嘅《眼淚為你流》、林子祥嘅《最愛是誰》、張學友嘅《愛是永恆》等金曲，由被譽為「神探輝」嘅前衞生防護中心總監曾浩輝彈鋼琴伴奏。
兩人喺首次合作演出，都話喺皇都戲院商場表演，好難忘，期望二○二六年完成保育後，皇都戲院能重現昔日光芒，重新成為香港的文化地標。因應疫情關係，兩人嘅精采演出會喺Culture For Tomorrow嘅YouTube頻道播放。
Kelly Chu
有六十八年歷史嘅北角皇都戲院，即將展開復修活化工程，由新世界發展行政總裁鄭志剛創辦嘅非牟利機構Culture for Tomorrow，喺工程前趁機舉辦一場名為「尋找你我他的皇都」嘅歷史體驗活動，請嚟「AO歌王」楊立門獻唱金曲，以歌聲緬懷皇都歷史，大家想聽靚歌，可以上網睇。
皇都戲院（前稱璇宮）喺五十、六十年代曾舉辦唔少殿堂級中西音樂表演，活動特意喺戲院商場內搭建小舞台供歌手表演，同時贊助受疫情影響嘅音樂人演出。
「神探輝」鋼琴伴奏
其中一場重量級表演，由有「AO歌王」之稱嘅前發展局常任秘書長楊立門，獻唱The Beatles嘅《Let It Be》、陳百強嘅《眼淚為你流》、林子祥嘅《最愛是誰》、張學友嘅《愛是永恆》等金曲，由被譽為「神探輝」嘅前衞生防護中心總監曾浩輝彈鋼琴伴奏。
兩人喺首次合作演出，都話喺皇都戲院商場表演，好難忘，期望二○二六年完成保育後，皇都戲院能重現昔日光芒，重新成為香港的文化地標。因應疫情關係，兩人嘅精采演出會喺Culture For Tomorrow嘅YouTube頻道播放。
Kelly Chu
更多文章
