商界講呢啲——法國傳統市集 原汁原味現身
Cally
2021-05-28 04:18 HKT
字體大小
疫情關係，冇得去法國唔緊要，而家華懋集團攜手法國五月藝術節，帶咗好多精采嘅表演畀市民，等大家都可以喺香港感受到法國浪漫嘅文化氣息同氣氛。但係講到最具代表性嘅，又點可以唔講到法國嘅美食呀。嚟到五月最後一個星期，集團同法國五月將表演移師到荃灣如心廣場舉行到六月二十日，法國五月美食薈嘅重頭戲，一連三日嘅法國傳統市集更由即日起登陸如心廣場，帶大家喺餐廳以外感受最地道嘅法國飲食文化。雖然仲未可以親身去法國，但係大家都可以透過呢個活動，好好放鬆一吓，又可以試到好多法國傳統美食，包括：鵝/鴨肝醬、鴨胸、牛仔肉、烤溶芝士拼盤、風乾豬肉腸、傳統肉醬同MAZET朱古力等。唔單止咁，華懋集團旗下如心酒店新開嘅Nina Patisserie亦有參加市集，仲提供咗蛋糕、蝴蝶酥等甜品。除咗荃灣舉行市集之外，如心酒店嘅指定餐廳包括川流、Cafe Circles、如、Corner 18同forte都會提供法國五月美食薈限定菜式㗎，快啲去荃灣如心廣場行個圈，變身成傳統「法國人」。
Cally
Cally
最Hit
大埔康樂園滅門案‧一｜男戶主最恐怖一夜 妻被勒死子女掛屍浴室
2025-07-09 00:01 HKT
真創意！港媽巧用「轉數快」奇招尋銀包失主 連登仔讚爆：真係得香港人先做到咁高質素！｜Juicy叮
2025-07-08 17:30 HKT
更多文章
