企業熱話——年輕人創作樂齡科技 助長者提升生活質素
Jacky哥
2021-04-29 04:17 HKT
字體大小
照顧長者不單要事事關心同提醒，如果有埋符合佢哋需要嘅輔助產品幫手咁就更好！好似一直推動居家安老嘅香港房屋協會，就特別搞咗個科技創意活動「創科樂『耆』中」，讓中學生同專上學生運用STEM教育嘅知識，為長者設計合適嘅產品，早前仲完滿舉行咗頒獎禮。房協主席陳家樂（圖）都有出席頒獎禮，仲話見到同學仔嘅作品，真係覺得佢哋設計唔單止嶄新仲好實用，真係為樂齡科技發展注入咗新思維，好似專上學生組金獎作品戶外智能健身站同中學生組金獎嘅E-mat智能防滑墊，都係好特別嘅設計，當日藝人劉丹同周嘉洛仲親臨現場試用參賽作品呢！如果大家想參觀得獎作品，五月份去到油麻地眾坊街駿發花園地下嘅「房協展覽中心」就會見到。
當日陳生仲話，房協其實喺二十幾年前已開展長者房屋，位於紅磡利工街嘅第三個「長者安居樂」項目將喺明年落成，未來都會喺屋邨重建及專用安置屋邨項目加入長者房屋，希望為老人家實現居家安老嘅願望。
Jacky哥
當日陳生仲話，房協其實喺二十幾年前已開展長者房屋，位於紅磡利工街嘅第三個「長者安居樂」項目將喺明年落成，未來都會喺屋邨重建及專用安置屋邨項目加入長者房屋，希望為老人家實現居家安老嘅願望。
Jacky哥
更多文章
